其他新聞
近期新盤巿場不俗,因此不少人對農曆新年後開紅盤的期望愈來愈高。事實上,嘉里西環縉城峰高層呎價搶至1.5萬元以上都有巿場,咁就證明千餘萬元的豪宅有巿場,不過論升勢,呎價又真係升得快咗啲。
嘉里先嘗甜頭,新地見機不可失,故積極準備喺年初七推元朗YOHO MIDTOWN,呢次嘅目標定得很高,而為求吸引港島客,佢哋甚至喺港島區近中環的當眼位,豎立起大大個廣告牌,而為求令格調更高檔,佢當用Individual、space、connectivity為口號。
格調高,意向呎價最少也要5 千元,特色單位仲話要1. 2 萬元,以這個價錢計,可以講話打低晒將軍澳區的所有新盤呎價,因此如果咁進取的呎價都有巿場,咁一般二手屋苑肯定有運行。
過去年多以來,最當炒嘅係超級豪,不過該等物業呎價明顯已在高位整固,期後係中價豪宅,最近奧運站及西九四小龍,造價及成交量都升不停。因此如果呢次新地可以突圍,咁新界區的中小型住宅,隨時有機接力再上。
巿場有期望,因此早前已有投資者,大手買入沙田中心多個單位,這種情況早前較為少見。一向以來,新地新盤的開盤,一般都較進取,原因可能係其物業質素向來較有保證所致。