其他新聞
■內地新政不僅打壓樓市，連代理行亦受拖累。
內地嘅代理業務，一向以好嘅方式發展，邊度有生意就開行開到嗰度，總之就要食到盡，咁樣發展，好巿時梗係可以食到盡，但係轉角巿一到，就會死得好慘烈。
好似幾個月前咁，呢啲行嘅中國部大肆宣傳其內地業務賺錢隨時已多過香港本部，又話今年嘅佣金收入，隨時係舊年嘅3成以上。菲菲心想，點可能。因為舊年嘅業績，係非常時期下嘅特別收益，怎可能樓價年年都可以升幾成，業績又升幾成。
港資行隨時千幾人失業
呢啲行就係用呢啲模式去發展，生意好嘅年頭，不停開行，但開行要租舖畀上期，但現在樓市急跌，租開啲舖肯定拍烏蠅，呢啲舖又唔可以話停租就停，所以喺呢次大浪中，愈做得大嘅行，傷亡會愈慘重。
記得07年時，港資代理行嘅中國部，炒人炒到好似屠殺一樣，啲舖一批批倒閉，隨便一間行，都炒咗幾千人，期後中央見金融海嘯到臨，政策急轉彎，並放寬信貸，逼巿民買樓，就係咁，就救番呢啲本來已經唔存在嘅代理行。
生意好番，啲代理行就以為公司管治能力高，又以為中國業務從此一帆風順，於是又擴大分行網終又大肆請人，好景咗一年多，中央又突然改變政策，收緊信貸，壓樓巿，總之個巿唔爆就點都唔收手，因此可以預見，單係港資中國代理行，今年打後，隨時又有幾千人被炒。
菲菲想來想去都唔明，內地使乜有咁多代理，香港行高地價政策就無得講，但內地又點可以好似香港咁，力谷地產，搞到民怨四起，所以現在中央收緊吓，對整個社會都好，如果唔係，就好似美國係咁亂放寬信貸，搞到人人都去買樓，結果冧巿收場，全世界都受害。
內地樓巿嘅周期上落很大，旺兩年，隨時又跌一年，生意好壞，要睇阿爺政策係鬆定緊，所以新入行嘅中低層，隨時被裁，所以咪信做代理前途無限，因為呢啲低技能嘅工作，港人全無競爭優勢，要做代理留番喺香港咪仲好。
李菲菲
實 346 呎
售 438 萬
實 314 呎
售 400 萬
實 325 呎
售 400 萬
實 325 呎
售 475 萬
實 272 呎
售 350 萬
實 346 呎
售 450 萬
