其他新聞
早前當祥益地產話要搞電視牆，外面巿場都無乜反應，覺得呢啲只係流口水嘢，無乜作用，有某中大型行高層更指呢啲係舊科技，全無睇頭，佢地咁睇，中小型行不但有唔同睇法，仲立即以行動去支持電視牆年代。
大行堅持傳統
據了解，現時已有多達20 多間代理行，表示會立即裝設電視牆，以替代門面上的樓盤紙。菲菲心諗，呢啲真係唔係新嘢，不過遲做好過唔做，不過唔知點解，喺呢單電視牆事件中，中大型行表現得異常冷靜，唔通佢哋會有撒手鐧未出﹖
對中小型行而言，個名已經唔夠響，如果啲科技又落後過人，咁想扯到生意，就真係唔係易事，所以有放開盤既業主都知道，某些地區中小型行的服務，確實比較貼身周到，原因係中大型行啲同事，經常走咗去打新盤搵快錢，所以要用時間去煲嘅二手盤，尤其係租盤，佢哋真係無心機去跟。
細行知自己個名唔夠照，加多兩錢肉緊，再配合科技化嘅樓盤系統，咁致有機會取勝，基於有呢個諗法，所以電視牆一出，中小型行個個都話要做。再咁落去，中大型行係地區嘅巿場佔有率，有機會會下跌。
遲開記招玩殘記者發展商每逢有新盤出，例必搞記者去谷見報率，不過近期某些發展商嘅做法，似乎過了火位，事關以發展商為例，在開盤前，日日都開記者會，但係次次都無乜嘢講，咁啲記者去到現場，白跑了半日，竟然一句嘢都無得寫，所以個個都嬲到震。
有某報記者同菲菲講，其中某發展商最唔識做，事關次次記招都成5點至開，如果記者跑完呢單活動，然後至返公司，咁其他嘢乜都唔使做，所以現時已有傳媒暗地裏杯葛該公司。
高層怒喝咪玩嘢
咁哋產代理又點呢，有冇啲衰格地產代理係好乞人憎，應該有，據菲菲了解，最近某行唔知點解，對某傳媒絕不客氣，事沿某日某行高層接受電子傳媒訪問，期間遇到某傳媒記者，該高層立即喝罵該記者叫佢死開，又話點解佢哋本雜誌咁寫佢哋公司，仲用粗口話，你哋再咁寫，我們唔會放過你哋。
菲菲聽到啲咁既故仔，真係不禁搖頭嘆息，呢啲就係發左財唔立品例子，佢哋以為有左錢就大晒，除左呢位高層外，行中亦有某君話傳媒爬糞動物，用字之粗俗，簡直係侮辱了全行。上述傳媒記者對菲菲話，以後逢該公司稿都唔出，兼且如該公司有負面新聞，佢哋會圖文並茂加篇幅全面報道。
李菲菲
實 314 呎
售 390 萬
實 325 呎
售 400 萬
實 325 呎
售 475 萬
實 272 呎
售 350 萬
實 346 呎
售 450 萬
實 487 呎
售 600 萬
