其他新聞
呢啲負面新聞咁多，外界對代理界嘅評價自然會很低，喺咁多亂流中要找出一股清流，當然唔係咁易。因此，祥益老闆娘陳葉菁最近攞咗個博士名銜，碓係令業界振奮。
代理行業工作時間長，講求實務及生意額係遠勝任何其他嘢，因此讀書呢啲嘢係被視為無所事事嘅人至得閒做，甚至業界中有人話，只係嗰啲廢柴至得閒去讀書，做代理行無數乜都係假。呢啲說話確係難聽，但又真係係呢行嘅寫照。
祥益老闆娘，即注敦敬賢內助喺百忙中，仲有時間去讀書，依家仲玩埋個博士學位，確實唔係易事。事實上，老闆做咗好榜樣，下屬就會去跟，喺咁嘅氣氛下，公司嘅專業形像同操守就容易建立。如果其它代理有樣學樣，大家勤跑數之餘，又走去讀書增加知識，咁整個行業嘅形象都有機會逐漸改善。
長實推盤絕不惜售
近期發展商經常舉行記招，不斷強調佢哋今年嘅賣地計劃，各發展商中長實最為積極，佢哋嘅賣樓天王趙國雄不斷嘅話，長實同和黃兩公司，今年會成九千幾個，佢仲話全部賣晒，會有成千億。
不如可以賣嘅樓，同真正可以申請拎出嚟賣嘅，應該會少好多，如果長和係舊年賣左四千幾個單位，今年可以賣到嘅數目，應該都係咁上下，所以最樂觀估計，佢哋今年都喺賣四千幾個，套現五百幾億。
對好多發展商而言，呢個已幾係天文數字，事實一般中大型發展商，可以賣到百幾億樓，都已經唔簡單。樓神趙國雄仲話，佢地今年賣樓絕不手軟，巿場可以食幾多，佢地就賣幾多，喺佢哋嘅賣樓字典裏面，無惜售兩個字。這種做法跟部分發展商周不時以惜售策略去推盤，完全唔同。
代理爆房醜聞
早前某女代理跟新相識男友發生一夜情事件，其後有人被勒索，有關方面則透露，因為壓力大，食了些藥，所以做了些可能不當嘅事。不過菲菲心諗，壓力大，不如跑多幾單買賣，咁賺咗錢咪走去買衫買手袋，又或者用正當嘅方法去滿足自己各方面嘅需要。
講開爆房，最離譜嘅係曾經有業主將間豪宅畀代理代為放盤，而業主為咗方便，仲放低鎖匙，不過就係咁就出事件。話說某日業主獨自返回放盤單位，入房後，突然發現有兩個男女喺床上。原來該兩位男女係同事，諗住業主唔喺度，就可為所欲為，點不知就斷正。
講番個業主，經過呢次教訓之後，就唔肯再放低鎖匙畀代理，咁做雖然對佢嚟講唔係方便，不過就好過再發生同類事件。
李菲菲
實 346 呎
售 438 萬
實 314 呎
售 400 萬
實 325 呎
售 400 萬
實 325 呎
售 475 萬
實 272 呎
售 350 萬
實 346 呎
售 450 萬
