咸魚翻生

財經演員

2009-08-24

紅魔鬼週中0比1不敵升班馬般尼，費爵爺老貓燒鬚怒火衝宵，星期六昨客5比0大炒韋根，重點係今年免費簽入既玻璃腳奧雲重拾射門鞋，翼鋒拿尼推右交左，奧雲粒射入網一吐多年污氣，希望呢一球能夠刺激奧雲重拾足球事業第二春，出席2010南非世界杯。費爵爺多年來係英超發掘多位天皇巨星，法國大帝簡東拿、威爾斯快翼傑斯、鋼門舒米高、萬人迷碧咸、插花王C朗，力排眾議免費簽入降班球隊紐卡素英格蘭國腳奧雲，再次証明投資及做生意只有眼光銳利的人才能賺大錢、成大業。主流意見只能順應民意，很難得到最後勝利；紅魔鬼在費爵爺管理下係歐洲球壇雄霸廿年。

大陸A股八月份急跌兩成，升左幾個月抖下都好正常，唔好意為今年只有祖國魚缸一枝獨秀，印尼、巴西、印度魚缸從低位反彈都有一個開。早幾年熱炒既越南金魚缸一年升十幾倍，一年又可跌七八成，下一個牛市有無機會翻身?

AIG (NYSE: AIG) 、FANNIE MAE (NYSE: FNM)、Freddie Mac (NYSE: FRE) 、Citibank (NYSE: C) 一度雄霸環球金融市場，今日英雄落難，幾時先可以同奧雲一齊咸魚翻生? 一眾花旗落難英雄近週身價幾十個巴仙上升，很定升得快過牛熊証，夜晚訓唔著大家可以睇下CNBC同Bloomberg研究下花旗魚缸。十年前既散戶愛股香港電話 (0008)，不少老人家用來收息養老世代相傳，小小超將香港電話 (0008) 變成科網神話，科網神話變成悲情故事。今日每股價值只有幾毫子等同當年派發中期息，恐怕等到入土為安下世投胎都翻唔到家鄉，十年前揸住香港電話 (0008)同買左雷曼債券有何分別?

您可能感興趣的放盤