主頁| 成交及市場數據| 網上睇樓| 網上搵樓| 屋苑資料搜尋| 物業工具| 網上電視台| 網上電台| 電子地圖| 文章集| 祥益總論壇| 有關祥益
總裁信箱


80後新人
汪生楊生你地好呀
一路都有聽開你地的節目,學到唔少野,之前有留言問過你地問題,唔知你地記唔記得呢?本人同先生現年34歲,本人月入約30000, 先生月入約40000,流動現金約50萬,股票約50萬,本人同先生以聯名係2014年以400萬買入元朗尚悅440呎2房單位,於2016年同先生拆名轉按,先生的半份業權轉到本人名下,今年年尾先生轉比我的半份業權已經坐滿監。可以唔駛比額外稅賣出物業,而我同先生於2018年11月尾亦因為聽左你地意見,用先生名以418萬購入時代廣場325呎單位。
由於我地已經有小朋友,又冇父母幹,家庭支出亦較大,現時都係雙租人,租住3房單位,但係我目標想係35歲前可以換一個3房單位,之前楊生建議如果優化物業,可以用尚悅來換,近期我見尚悅類似我地單位的成交約600萬,我保守D,當到年尾尚侻個價都唔升值,仲係600萬賣出,計埋還清貸款約245萬,可套現355萬左右。
問題如下:
由於需要3房單位先夠住,但係如果以套現的355萬加埋本人的借貸力,先生又唔想動用家庭的流動現金,因為要作不時之需,同埋先生的借貸力又用埋,都唔可以幫本人做擔保,所以單靠套現的355萬加埋本人的借貸力,應該買唔到理想的自住3房,因為本人理想的自住3房屋苑單位要約1000萬。所以本人而家想換一D 可以負擔到又有投資價值的細3 房,因為我怕百頁窗效應,日後3房的樓價可能追唔切,所以想先換細3房作投資,待升值後,利用物業再換入理想自住單位,大家認為呢個方法可行嗎? 定係一動不如一靜? 如果呢個方法可行,有咩屋苑的細3房有高升值潛力可推介? 同埋係咪係用尚悅換貨較好?
我研究過,嘉湖山莊細3 房/海濱樓景細3 房/時代3房(不過好少放盤,同埋先生唔想將所有雞蛋放入同一個籃)
你地認為呢D屋苑可以幫我實現願望嗎? 定係有其他更好選擇?因為仲有時間左右,所以而家想開始部署,請大家幫我指點迷津
2019-05-17 17:22:46



訪客的留言

(第 1 篇回應.)
你好,80後新人
已收到閣 下的留言,總裁汪敦敬將於5月27日(星期一)中午12時在「每週地產新聞評論」親自作出回應(當日會視乎回覆留言的進度,有機會順延),閣 下屆時可到以下網址觀看或重溫節目:http://www.manyw.com/,再次多謝閣 下對我們的支持!
   回應
回應者: 公關部   2019-05-17 18:38:40
(第 2 篇回應.)
你好,80後新人
首先多謝閣 下的留言,以下資料由數據分析部提供:

恭喜80後新人, 過去的投資都把握了不錯的入市時機。
355萬資金連同你的入息, 用5成按揭, 連同雜費計算, 可買約640萬物業, 嘉湖山莊細3房或是不錯的選擇, 而且受惠於大灣區概念。
而屯門碼頭區的海濱樓景3房, 預算暫時恐怕不足。
   回應
回應者: 公關部   2019-05-24 15:49:43

您的大名
您的頭像 選擇頭像
我要回應
留言
驗證碼 請在格內輸入