少年股神手記
錢程錦繡

財經演員

2015 年 7 月 5 日

 


屠熊宰牛係投資界既自然定律,股票市場只有一個終極嬴家,就係股票交易所。 無論嬴輸都要放下過路錢。係香港只有一個香港交易所(388),而中國最少有兩三億股民,只需要有百份之一的股民有興趣投資香港交易所(388),再加上機構投資者及各大富豪的持股量足以為港交所(388)的股價建成固若金湯的防線,對後市看高一線的朋友們可考慮分段買入「生發發」。



A股升得瘋狂、跌得激情,這才是新興市場投資的特式,自金融海嘯後,A股沈寂了五六年,不少上一代股民已經年華老去。哀莫大於心死,直到去年十一月中,A股的小宇宙才開始凝聚。上証綜合指數從二千五百多點直衝五千一百點,當中為民間製造了無數股壇超級英雄,在街市賣菜賣海鮮的企業家亦受為不少。



有如股評人陸叔的名句:「急升必定惹黎急跌」,大市需要一個健康調整才能再向上衝。今次牛市與過往的有所不同,是次升市係國策主導,一帶一路及金融改革係未來中國經濟發展的雙箭頭。中央於星期六再次重搥出招,動用1.7萬億托市。A股經過百份之三十的急跌後,相信A股跌勢開始喘定。



好多人都希望樓市能夠重返沙士價,呢個奢望仲難過中六合彩。沙士之時恆生指數市盈率大概只有13.5倍,恆指週五收報26,064點,市盈率緊10.83倍,只係沙士時的八折,為何不去投資盈富基金(2800)及各大優質籃籌股?