請問公屋補地價同居屋計算是否一樣?

申請時間大概幾耐至有結果?

你好包爸!

公屋補地價同居屋計算是一樣，不過要留意一般公屋的補地價折扣率較高，即補地價費用較貴!

申請後會約你估價(約一星期)，估價後大約10-14日會有結果，合共約三星期!

有唔明歡迎隨時再查詢!

祥益是成交最多居屋第二市場的公之一，只有祥益夠膽在電視及電台解釋有關物業補地價的手續,我們也是全港唯一擁有學術評審局批出的『居屋轉讓』持續進修課程之公司！如想問居屋或公屋轉讓，祥益一定是最佳人選！

你好,

我想問我住緊公屋, 想買居屋

我比返間公屋比房屋署, 但想買的居屋是已經比了地價的

想問下咁會唔會用比了地價買,而又要比公屋出黎呢?

Guest 你好!

一般的居屋買賣是分兩個市場，1.是自由市場，2.是居屋第二市場。

居屋自由市場是已經補了地價後買賣，是任何人也可以購買，不須要交公屋，等同私人樓一樣。

居屋第二市場是未補地價買賣，你須要交回公屋換取資格，你可以免補地價購買，更可享用各大銀行的一按九成半按揭(免保費)。

如果你想補地價買居屋是不須交回公屋也可以的。

歡迎你有疑問再到來查詢，或電81000522找我!

你好,

按照你上面的例子, 是不是無論在自由市場或居二市場, 那19.8萬都是全數由業主承擔?? 換言之, 買家要付60萬, 然後其中19.8萬歸政府, 業主收到60-19.8萬?? (不計手續費)

另外, 你說居屋市場有四種買賣形式, 除了自由市場和居二市場, 不知另外兩種是什麼??

謝謝

你好，謝先生，請問居屋補地價有沒有購買時間的限制，如是今年剛買的居屋能馬上補地價嗎？另外如按你提供的計法，是不是現時的估價越平越低，要補的地價就越少呢？補了地價對而家所做的按揭有沒有什麼影響呢？謝謝！

我間居屋於本年二月已供滿,並贖回了樓契;現在想再做按揭,以便取得資金,再購買多一單位,請問有銀行做嗎?

你好JESS!

主要是看你的居屋是否已補了地價，如果已經補地價，當然回復自由身，你可以隨時加按或轉按，但如果你未補地價的話，便受房屋條例約束，不可轉按，加按，除非得到房屋署的批准，否則即屬違法!

我間居屋已供滿,並贖回了樓契;請問現時有沒有銀行只做補地價貨款？

GUEST你好!

未補地價的居屋是不可以再作加按或重按的，除非你已向房委會申請，而申請後銀行便可貸款給你!

如果你是補地價出售的話，一般也可在售出前由買家之尾數補價，是可不須要再付出補地價金!如有任何疑問歡迎隨時再查詢!

本人姐姐已有一居屋物業(綠表購入).....如果她想轉名到我名下(非綠表)...要否補地價呢?謝謝

你好RYAN!新年快樂!

多謝你的查詢，如果你是沒有綠表的，是一定需要補地價後才購入!

歡迎你有疑問再到來查詢，或電24583838 21462188找我!

想請問有一間居屋, 如果業主係婆婆同表哥用白表買, 想轉名比婆婆個女同個孫, 因為佢地一直同住, 供款一直係由佢地兩個比, 因表哥無入息, 可以加名而唔補地價嗎? 如果唔得, 可以點做?

你好SANDY!多謝妳到來祥益討論區!

房屋條例規定，未補地價的居屋在購買時，一般情況只可以用長命契(joint tenant),不可多於兩人做業主，除非有特別情況得到房署批准後，妳可以嘗試去申請，不過應較為難批，所以妳可以考慮向房署申請以送契形式處理，但要留意送契後，因銀行未必會承辦按揭，未來出售也會被受影響，而妳最好是再咨詢律師意見，一般律師樓也有代辦!

希望可以幫到你!歡迎你再上來查詢!

hi,妳好! 本人想請問(白表)申請居屋是否都需要補地價?

謝謝妳們專業代理回覆!

IVY你好!

白表申請，你是否所指申請購買重售居屋，因二手市場是沒有白表，如果是向房委購買重售居屋後，未來出售你可以選擇在居屋第二市場(不補地價形式出售)或可以在自由市場出售(補地價形式出售)，但總括是，無論你用白表或綠表購買也是不包地價的!

有非綠表買家欲購我的自置公屋, 現在我還沒有補地價 - 請問我是否必須先補地價才能出售? 這能在與買方付款後才補付的嗎? 謝謝!

SHIRLEY你好:

非綠表資格是一定要以自由市場形式購入，而房委會的房屋條例亦規定是要在簽署轉讓契約前補地價，換言之,妳可以先收細訂及大訂，及簽署正式買賣合約，同時申請補地價!

SHIRLEY如果妳唔明可以再上來查詢，或到我們的各居屋分行查詢!

你好，想請問如果在網上的銀行check樓既估價...是否不準確....因為我見hsbc同bank of china的估價是相差得很遠.....怎樣去check才是準確呢？

MANDY歡迎你!希望我可以解答到妳的疑慮!

銀行估價會找來他們的估價行代勞，他們一般會有三至四間估價行合作，每間估價行在估價上亦會有別，睇下銀行當時按揭政策是否積極，他們便會因應情況去選擇估價行及估價，所以銀行如估唔到價的話，好多時叫他們幫幫手，他們便會再找其他的估價行再估，希望找到最高者，所以銀行一直在估價上有差別，不過在網上估價妳可以即時作出比較，差距明顯是不足為奇，而網上估價銀行也會承認，有效約兩星期至一個月(視市況而定)，因為被銀行政策所影響，是否準確?我個人認為估價只是作為你按揭的安全網，不可以完全當作市場的指標，妳可以再參考近期成交個案及睇樓時再了解市場!

hello~mandY!

其實你所擔心估價問題,每間銀行的估價都不同!

估價只是給買家1個參考,若果你想知道每個單位

估值可致電銀行職員!拎取第一手資訊!

我間居屋想補地價放租,如果surveryor估得過高,反對有效嗎?

你好,ANITA,因為謝董去左向世界出發,我叫KEVIN,等我解答你既問題啦!

如果你對於房署評估既市值有異議,你可以於估價通知書的日期起計28天內提出上訴,而房署就會對你既單位再次作出評估,而上訴後當然有機會估價會調低,或無變,但當中亦有個案出現係估價上升,所以你自己就要衡量下去唔去做上訴,因為如果估價高左的話,亦必須要以價高者為準。

如果有任何問題,歡迎你再留言比我地,THX!!

本人親戚之居屋,已申請補地價,而且已收需補之金額,現有幾個問題,想問一下.

1.需補地價之金額,是否可提出反對過高?

2.是否可申請延期?

3.如不付是次之金額,下次再提出申請,會否被影響?

謝謝!

我間公屋如估價百二萬，如成交百三萬，補地價點計？

你好GUEST :

如你要補地價的話，是要房委會指定的估價公司，其他的估價是不承認的，市面上的估價可能有別，這一點必須留意!

而房委會是以估價為準，不會理會你成交價多少，會以你當時購入的折扣率作為計算準則，現時估價多少，則以現估價計算補地價金額，GUEST希望可以幫到你!

你好!

請問我現在往公屋，係綠表申請者,如果我想買一間已補了地價的二手居屋，是否得不到免補地價優惠或以居屋第二市場買樓的好處??

你好andy!

如果用綠表資格，是不可購買已補地價的居屋，補了地價是不可再回復居二市場，而居屋第二市場最優惠是免地價，加埋利息是慳好多，你一日唔賣也不須補地價!

你好, 本人親戚於居二市場購入居屋, 是否要補地價后才可以轉名或除名? 有其他可行的方法嗎?

各位專家,

我個居屋單位己供完及取得樓契了, 請問如何補地價的呢 ??　是否必定要親身向房署申請 或是可經律師行的呢??

謝

你好Sandy :

未補地價的居屋轉名或除名是要經房委會批准，一般合理的理由他們也會批准，不過妳要留意銀行按揭，而妳轉名情況，一般會用送契形式處理，而在首5-7年是沒有銀行會承造按揭，所以未來出售會較難!如有問題歡迎再查詢!

李太你好!唔好噤客氣啦，希望可以用我們所學到的專業知識去服務!

好簡單的!不須經律師樓，自己可以攪掂!只要填一張房委會的補地價申請表，連同$3,000支票寄回房委會，等約5-10天房委會的估價公司會約妳上門估價，$3,000手續費可在補地價時扣除，收到補地價通知書，你可以自己交有關的地價到房委會，不過兩個月內妳就要補價，否則$3,000手續費便會沒收，而申請補地價表我們的分行也可以取得，如再有不明白可到我們祥益各分行查詢!

請問, 如果而家間公屋只有奶奶一人為業主及住戶, 可否交還公屋以綠表申請買二手居屋? 奶奶已退休無收入, 買居屋時可否加兒子及媳婦為共同業主以作按揭申請?

感謝你的專業意見!

你好 ! 請問如何向房署申請加按或重按 ?? 及需要什麼條件 ??

MNG你好!多謝你的查詢!

是可以的!一般銀行可以由家人作為借款人，只睇有關家人的入息証明，因為居屋第二市場的關係，銀行只是簡單地了解一下便可以，沒有私人樓買賣那麼嚴謹，而加名方面，如沒有戶籍是不可以的!

希望可以幫到你!

QUEENIE你好!

向房署申請加按或重按是可能要有非常特別原因，是不會輕易批准，因為根本就是不可以的.

而需要什麼條件?因為祥益20多年來所見的居屋個案，及我10多年專門的居屋經驗當中，暫時是沒有見過這情況，很抱歉!所以暫時未能提供，我可以再留意一下，如有成功個案可以再給妳資料!

你 好 , 本人有一間三個房的居屋, 因為地方大,不需要咁多房, 又想轉讓收回一些錢

因為每月供樓好貴, 現在想問, 可否樓換樓呢 ? 我把現在三房的居屋 買了給綠表居民, 自己去

買同居苑的兩房居屋, 可以用綠表格錢嗎 ? 是否一定要補地價 ? 還是補地價由該業主負責呢 ?

就好似我居屋值190萬 (未補地價), 想買 兩房居屋 120萬 (未補地價) , 這樣可以買賣嗎?

如真的要補由誰人負責呢?

thanks !!

心急人上 henry

心急人上 henry :

未補地價居屋換居屋是不可以的，如不符合資格是要補地價才可購入!

房屋條例補地價是由業主負責，不過羊毛出在羊身上，一般也是加在樓價上!

「就好似我居屋值190萬 (未補地價), 想買 兩房居屋 120萬 (未補地價) , 這樣可以買賣嗎?」

居屋是一生只可擁有一次(除房委會另批准外),所以你已不可以再用不補地價形式購入，你要補地價後才可以再購入細單位，這絕對不化算!

謝謝 ! ... 如果真的買了 三房的居屋 就算買了 230萬 扣了補地價 可能 得150萬

如要再買兩房的居屋補地價後要 可能 要190~200萬 , 真的唔底, 但會否住了幾多年就不用補地價

或.... 誰想出要補地價這條件 !! 救命 !! 就算供完都是住50年...人都死了...有什麼用呢 !!!

留比下一代 ? no... 啦 !!

這就是世界的遊戲 !!!

HERRY :

又不用太可惜，居屋原意是給一些當時未有能力上車的市民，可以找到一個屬於自己的家，你已經得到了最佳的優惠了!

不過既然你有能力換樓，又可以住細D，可以趁機考慮一下兩房私人樓，雖然可能是同等價錢而住細左，但質素就提升了，自由度亦更大，希望能給你多一個參考的意見!

請問有沒有嘉田苑近期的補地價估價資料參考呢 ?

Guest 你好!

嘉田苑一般補地價約要21%-44%不等，每個單位會有所不同，你可以暫時使用銀行估價去計算市值，再(乘)你當時扣入的折扣率，可以大約計算到補價費用，不過你最好到附近地產代理再查詢一下近期補價情況!

我想問下，我地98-99年聯名白表買入tko一居屋，做重按...聽講好難批...但係我地又無諗過買樓，如補地價再做2按，咁可唔可得...會唔會好蝕??

如果補地價...又應該要點樣做??

chakma你好!

如果你已是現契，可以申請重按，好難批﹖不過你也可以嘗試一下先!如你仍有按揭的話，就是二按，未補地價的居屋是不可以二按，否則犯房屋條例!

如想補地價後再按揭的話，是可以的，回復自由身等如私人樓的做法，會唔會好蝕﹖就要計一計你的補地價折扣率，才可給你意見!

我的折扣率係6折

本人為居屋業主﹐剛買入第四期的剩餘居屋。關於居屋業權轉讓有以下一問﹕
1. 如欲在不補地價的情況下轉名給家人(兄弟姊妹)﹐一般房署會接訥甚麼理由﹖
2. 如以送契方式送贈該居屋物業,我需要向銀行申請把物業按揭轉為準業主(家人)嗎﹖
3. 假若送契正式被接訥的話,我的家人是否即時成為物業的擁有者﹖

本人為居屋業主﹐剛買入第四期的剩餘居屋。關於居屋業權轉讓有以下一問﹕
1. 如欲在不補地價的情況下轉名給家人(兄弟姊妹)﹐一般房署會接訥甚麼理由﹖
2. 如以送契方式送贈該居屋物業,我需要向銀行申請把物業按揭轉為準業主(家人)嗎﹖
3. 假若送契正式被接訥的話,我的家人是否即時成為物業的擁有者﹖

chakma!

你可否給的大約地址，我先幫你向銀行估價，才可給你大約的補地價費用，你可以e-mail給我mingtse@manyw.com

Curry你好!

Thanks!

就我的問題#2,聽說大部份銀行都不會批按揭給送契未滿五年的物業的,如把按揭轉到新的物業持有人,新的物業持有人向銀行申請按揭會不會有困難﹖

 Curry!

不用擔心!在你第一次查詢時我已找銀行再了解現時情況，事實上，銀行是有落雨收(遮)的時候，早前是有少少問題也不做，何況是送契?而一向私人樓送契，銀行是要過了5年或以上才考慮承做按揭，而未補地價的居屋則有所不同，最近情況是有個別銀行只要有房署批准信，便可以幫你安排按揭，不過要留意銀行政策是會因應市況而變動，如你有須要協助可以e-mail mingtse@manyw.com或電21912233

請問我家父年前買入一居屋已供滿,未補地價,請問他不在人世,是否屬於我擁有而不需補地價?

我的情況: 本人現在跟父母親住在公屋,公屋是有父母所申請. 現在剛出來社會工作,打算搬出來組織自己家庭,而且打算買居屋自住.

問題: 我可以綠表申請居屋麼? or 可以購買免補低價的二手居屋麼? (原來的公屋唔想放棄,因為我爸媽弟妹住緊)

唔好意思,本人叫eddy,近排想睇樓準備結後住....睇中柴灣樂軒臺,見到網上太約120萬到....我知這些價錢係未補地價的,咁補完地價太約會多少錢到呢?唔該謝生

本人將近結婚,諗住買居屋自住,網上睇中柴灣樂軒臺,大約120餘萬,我知這個價錢係未補地價的,而我在網上又找不到補完地價後價錢,咁120萬大約要補幾多地價到呢,唔該顯謝先生

你好, 我有一居屋已賣出, 賣出價是211萬, 但估回來的價是210萬, 要補39%, 即是付政府82萬左右, 之前多間地產經紀都話約補70萬左右, 但已遠遠超出所預算, 如果上訴我要交些什麼有力資料去證明, 我已在多間銀行估價, 都是180萬以下, , 請問我可以怎樣做?? 謝謝!!

你好! 我剛剛(5月初)購買了未補地價居屋, 簽了臨時買賣合約及一張附件,註明業主在成交當日(7月中)早上會用我們的餘額補地價. 本來沒什麼問題, 但因為我們要借9成按揭保險, 有銀行說這樣的case過不了HKMC的審批. 就算銀行話可以, 到頭來也只是不批... 這使我們極度擔心.

有什麼辦法解決呢?

JOE你好!

上訴你可以提交近期成交記錄及一些銀行估價記錄，連同上訴信一同寄回估價公司，嘗試下是否可以有所幫助，我們也層試過成功的個案!

EDDY你好!

因我們柴灣的資料不多，我要再幫你了解一下再回覆你!

EDDY你好!

因我們柴灣的資料不多，我要再幫你了解一下再回覆你!

KYO你好!

按照你所說的情況，你是沒有資格購買免地價居屋，因你只是戶籍(有資格住該公屋)，如要用綠表資格便一定要放棄公屋!

KARY你好!

未補地價居屋應該是不須HKMC審批，因未補地價是由銀行安排一按九成半!

你是否買了補地價居屋，如是的話你可以把7成按給銀行，其餘兩成交給一些財務公司處理，利息會高少少，但較有彈性，現在銀行或財務公司也十分進取!

RAY你好!

你可以安排家父訂立一份平安紙，你作為承繼人，而補地價方面，一般情況你不去做轉名手續則不須要補地價!如須要轉名的話也可向房署作個別的申請!

你好, 謝先生:

請問我下星期要交樓了, 我可以在交樓後先補了地價再上訴嗎??? 因為近日銀行都在放水階段, 所以我查了多間銀行, 估價都商於我們成交的價, 我可以怎樣啊, 而且大多居屋都是不是跟市場走勢, 即使是近日小陽春, 我們大都沒有受惠於, 請問你可以協助一下我嗎???謝謝!!!

你好,謝先生

要我放棄公屋是沒有問題,但是家人都是否都要遷出?

JOE!你需要根據合約指定日期簽契交吉交易，一定要交樓前補地價，而上訴則另外處理，如已經繳付了補地價上訴成功的話，房署之後會退回有費用給你，補地價是以現時市況的估值去計算，你可以嘗試去找一些估價公司幫你安排一份估計報告，大約$2,000，提出更有力的証明，不過你先要評估你的成本!

KYO!放棄公屋是指公屋戶主及所有一同居住的戶籍人仕交還公屋租賃權給房署，所以必須一同放棄交還公屋去換取免地價資格然後購買居屋第二市場的居屋!

EDDY!樂軒臺補地價率一般為48%，因未知你是什麼呎數單位，因補地價是每一呎去計算，我只可做一個例子，如一個近期成交的2座11B，590呎的單位，中銀估價為189萬，若48%補地價費用約是$907,200-。

以下是近期成交價，如按照記錄高於$3,000一呎的很大可能是已補地價買賣!

估唔到你們連柴灣既物業都肯答, 完全唔介意此工作只增加workload 但沒有效益, 我雖然暫時沒有興趣在屯門置業都對貴公司有非常深刻的印象, 希望各位加油!

多謝及高興收到你們的讚賞，

是的，在謝董及一眾主管的領導下，祥益文化是以和客戶分享為樂的，他們做得很好！

jackie多謝你支持，我地一定會加油!多謝汪生的讚賞，為我們打氣!

其實這也是汪生多年來的教導，在他領導下祥益管理團隊也是一致維繫我們的核心文化，而無論前線及後勤也投入了，之前一些網友問未來發展，屋苑沉降...等等問題，我見他們不斷做資料搜集全力去幫客人解答，態度認真，我也藉此多謝他們的努力!

而我們其實俾客人更有得著，正所謂「教學雙長」，問答也可以「問答雙長」，互聯網接通了各地各界，在學習上我們的確得到更大的樂趣，多謝各位網友給我們磨練機會!

哈哈......賣下廣告先....JACKIE不如你都來睇下啦....居二市場$900一呎起...私人樓$1,500一起，「西鐵線最快8月由南昌站伸延至尖沙咀站」，未來由屯門到尖沙咀只是36分鐘，好快好方便。

謝先生:

謝謝你們的保貴意見, 我覺得你們好無私, 無條件回答我很多問題, 比我個經紀實在好太多了, THS!!!

不過有關我層居屋要上訴估價, 我去了多間銀行, 佢地都是估190-200萬左右比我, 不過就不能提供到文件給我, 的確很令人氣餒, 因為沒有證明, 我上訴的內容都不知道怎樣去提出, 而且大廈近日在招標維修, 如果在我們成交前落實, 的確又可以要付另一筆的費用, 請問我還可以怎樣處理, 可以指導一下我嗎???

Guest你好!

其實你的查詢，我也同時在學習，有時也會與組員分享個案，不亦樂乎!多謝你就真!

你可以上網估價作為証明，一樣可以做到這效果，至於成交也可以到地產網站取資料，提出理據去上訴!而大廈維修，如管理費有足夠盈餘未必一定要自付費用，你可以去了解一下先，一般大廈維修招標後，還要經過投票決定用那一間公司，你可以留意業主立案法團開會時間，會較易作預算，不過現在多數買家會一早了解情況，從業員亦是有責任在購買前告知準買家，買家也會在樓價上打拆扣!

網上估價資料 :   http://www.manyw.com/tools/valuation.php

科一地產網(搜尋成交)    :   http://www.cnp.hk

你好, 我在一居屋中有戶籍(非戶主), 欲搬離但保留戶籍, 月入超過公屋限額, 可否購未補價但會補價之公屋? 如可, 手續怎樣?  謝謝

YCM你好!

居屋是沒有戶主或戶籍之分，因是自置物業，只有是否業主之分!

如你購買已補地價的公屋，是與購買未補地價居屋同等程序，必須在簽樓契前完成補地價手續後，才可購入!而入息是沒有限制，反而要留意銀行按揭情況!

謝先生:

謝謝你寶貴的資料。若落訂時, 公屋業主仍未補地價, 一般需時多久才可成交收樓(假設不用做銀行按揭)? 手續是否如上述般在臨時買賣合約加上條款註明業主在成交當日早上會用我的餘額補地價便可? 謝謝

真係唔該曬你呀....非常nice....多謝謝生....唔好意思.真係加重你個workload...

YCM歡迎你再上來!舉手之勞不用客氣!

未補地價居屋成交期一般起碼一個半月，因補地價手續問題須要預算較寬鬆!

臨時買賣合約加上條款註明業主在成交當日早上會用我的餘額補地價便可?無錯!一般會訂於當日1:00pm前交到賣方律師行!

Hi!EDDY...只顧著答你問題，唔記得恭喜你新婚之喜，祝願你們早日找到夢想之家，過著溫馨美滿的幸福生活!

得閒上來傾下計，唔係居屋都可以問我o架!

YCM!再要提一提你，成交條文上亦要加入，如房委會補地價有所延遲交吉交易日期也可以順延，不會構成雙方違約!

我SEND左E-MAIL比你啦....但仲未收到你回覆!!

真係唔好意思，遲了回覆你!因近日新界西北小陽春第二波出現，在假期我們成交也刷新了新近的記錄，多謝你的支持及體諒!有不善之處，隨便開聲!有關資料的已e-mail給你，如再有疑問可再在此提出或e-mail到customer@manyw.com

謝生你好!

我剛剛睇中一個居屋單位, 但這個單位還未補地價, 經記說只要在臨約註明要賣家補地價, 銀行就會當一般私人樓處理我的按揭. 我是想申請9成按揭的, 因為擔心經記說的話是否正確, 所以去便了數間銀行查詢, 但他們都說現在已不會接納未補地價居屋的申請. 請問現在的銀行是否收緊未補地價居屋的按揭申請, 還是我做錯了甚麼呢?

請幫忙解答一下, Thank You!!

想請問一下...你們知唔知房署係點樣審查申請加按的....如會查D咩咁呢???

SKS你好!歡迎你!

你是否想用自由價購買居屋，而睇中了一個暫未補地價的居屋，要業主補地價後在自由市場購入物業!

如自由價的居屋絕大部分銀行也會提供按揭，可能你查詢的時，沒有說清楚是你補了地價的居屋形式購入(等於自由市場)，或者銀行職員誤解了，你可以試下用你睇中的物業地址及說明業主將會補了地價賣給你，應該沒有問題!而未補地價居屋(即居屋第二市場)買賣，是有部分銀行唔做這按揭市場!銀行近期仍然態度積極，暫時未有見到收緊情況!

反而，我覺得你更要留意9成按揭申請問題，因近期批出較慢，提早做一些預批會穩陣d!

chakma!房署在一般情形是不接受加按的申請，所以不知道會如何審查!

謝生, 多謝你的詳細解釋, 令我清楚了很多.

Thank you~

你好，想問下，我奶奶老爺聯名有間居屋(已供滿)，想問下如果要將樓賣出的話，是否要補了地價後及是否一定要兩人一同簽署後才可賣出呢?謝謝回覆

GUEST你好!

居屋二手買賣是有兩個市場，1.是居屋第二市場(免補地價居屋)。2.是自由市場買賣(補了地價居屋)。

如你是未補地價的居屋是可以同時放兩個市場，而一般業主是可不需預先支付補地價，可由買方提早安排資金，不過動用買家的資金，可能會涉及買家按揭銀行問題，在簽約前買家應先向銀行了解情況，而以下是我在07年寫的文章【(五)業主可不需預先支付補地價金】，希望可以幫到你再了解多一些!

簽合約當然要所有業主簽名，除非有律師樓受權書!

謝生~你好!

我昨天send了email給你呢，如果你有時間的話煩請你回覆我的問題，煩麻哂你呢!

Brian!多謝你的賞識!

問題收到了，好詳細，我會盡快回覆你!

其實我也在網上世界學到好多野，你問一個問題，我也深入了解更多問題!

BRIAN!

我已回覆你的e-mail，你可以看一看，如有唔明白或再有疑問，隨時找我!

謝先生:

謝謝你的協助, 這星期我已把照片拍好, 整理好了文件搞上訴, 他們也再來了我的單位再作評估, 希望有好消息, 到時再同你分亨, 謝謝!! 

JOE!好開心你再到來!

不用客氣，預祝你成功!

謝先生:

今天收到了再評估我報告了, 今次是208萬(上次是210萬), 要補81萬幾.....唉!!! 好失望啊, 我已搵到了好多資料提供給他們了, 不知道下一步如何!!!

JOE!

你是可以再次上訴的，但要留意你的成交價也是市場指標之一，如低於的話也是一個有力是例證，不過如同等或高於房委的價估則要留意，期望不要太大了!

你好，

本人的單位在西貢翠塘花園，希望補地價後放租，想估值單位價格，不知你們有沒有翠塘資料，本人單位屬低層，約510尺。謝謝。

您好,請問如何查詢一個居屋單位是否已補地價?

謝謝!

謝先生您好:

本人年前以公屋租客身份獲配多年前已納入租置計劃的公共屋村單位, 現欲購買現居單位, 補地價後再在自由市場放售。但本人聽聞購買公屋單位後要五年後方可補地價。請問該五年是從單位最早納入租置計劃起計, 抑或從我購買起計?

Thanks

西貢人你好!歡迎遠道而來!

因不是我們分行的區域，明天我幫你再了解一下情況!

你好!被邀租住居屋的人!

你可以自己上去土地註冊處先查一查，如經代理的話，你可要求他們在睇樓前先睇一份該物業的查冊!

土地註冊處 :  https://www.iris.gov.hk/eservices/

留意如該物業有以下其中一名稱登記文件，即已補了地價!.

1. LETTER OF REMOVAL OF ALIENATION RESTRICTIONS
2. LETTER CONFIRMING REMOVAL OF ALIENATION RESTRICTIONS
3. CONFIRMATION LETTER (FOR REMOVAL OF THE ALIENATION AND RESTRICTION)

....另外如有房署的補地價正式收據也是可以的.

希望可以幫到你，小心D睇，沒有問題的!

 Ah Fu你好!

問: 本人聽聞購買公屋單位後要五年後方可補地價..

答: 你可以在踏入第三年便可以在【居屋自由市場(第三至五年) 】放售，但留意要先申請補地價後，房署會發給你的申請放棄回購通知，獲得後才可以簽署合約!

請問該五年是從單位最早納入租置計劃起計, 抑或從我購買起計?

答: 是從第一份轉讓契(樓契)計算，如你簽署時是第一位的購入者，便由你簽署轉讓契的當日開始!

如再有疑問歡迎再上來查詢!

謝生，您好嗎？請問謝生有沒有關於大埔寶雅苑一期補地價大約要補幾多個%的資料呢？謝謝。

大埔仔你好!

大埔寶雅苑的補地價只可作為參考，大約在31-42%之間，因每單位可能有些出入，亦不排除會有重售而地價不同!

謝生，謝謝您的回應。

謝先生您好,

關於補地價問題, 官塘寶珮苑hsbc 估價$210萬, 根據房委會補價折扣率係45%, 業主放$120萬, 請問要補幾多錢地價?

補地價係咪 $210萬x 45% =$94.5萬

$120萬+$94.5萬=$214.5萬

咁咪仲貴過hsbc 估價?

大埔仔!不用客氣，多謝你上來我們網頁，希望你找到需要的資料!得閒再上來吧!

亞輝你好!

你所列的計算方法是無錯的，居屋的補價方式是以市值估價作為補地價的基礎，而你可以暫用銀行的估計作為市值計算!但留意可能會與房署的估價行有所差別!

我看中將軍澳煜明苑一個三房大單位,業主開160,請問補地價要多少?

珊 你好!

你想知將軍澳煜明苑一個三房單位要補幾多錢地價,其實地價要補幾多與業主開價無關,而煜明苑的折扣率大約35-44%不等,要視乎你選擇的單位而定,至於補地價,係要用(單位呎數X當時市值X折扣率)先可準確計算補地價金額,有問題可與我聯絡(TEL:24583838)

請問荔欣苑802呎, 補地價需要多少錢? 謝謝!

Shirlry你好!

荔欣苑補地價一般約由38%-40%，如802呎中國銀行估價約160-170萬，以170萬及40%補地價計算，約補68萬。

謝生，

您好！請問要放售居屋，除地產公司外還有共他的途徑嗎？本人想放出一個沙田居屋單位，但未補地價，所以要放綠表客，我曾去過兩間地產鋪放售，但他們不停來電教唆本人做不合法的步驟出售。

謝謝！

Sissy

Sissy 你好!

要放售居屋單位,經地產代理是最保障雙方的,其實未補地價居屋除了放居屋第二市場外,還可以放自由市場,即補妥地價後任何人士都可以購買,如有問題可與我聯絡(TEL:24583838)

Dear Sharon,

Thanks a lot! Would you please to give me your contact email?

Rgds

Sissy

Sissy 你好!

我的E-mail (sharon@manyw.com)

Dear Sharon,

Noted.

Tks!

Sissy

白表抽中居屋, 可在第二市場細樓換大樓嗎

你好BB:

如果你是已擁有一間未補地價居屋，之後想再換樓，只可以用補地價形式購買居屋!

唔知我有否理解到你的問題?希望可以解答你所需!

謝生, 你好, 我有一間居屋想放租, 請問但是否要先補地價?

謝謝解答.

請問, 我想用綠表資格買年底的剩餘居屋, 但我是家庭主婦, 沒有入息證明文件, 能辦到按竭嗎? 謝謝.

GUEST你好!

唔補地價出租是觸犯了房屋條例!一定要補地價後才可出租!

BABY你好!

你可以再找人作為你的擔保人，但一般未補地價居屋，銀行也會較寬鬆，未必沒有機會的，你可先向相熟銀行了解情況!

有須要再上來查詢，我們可以介紹相熟銀行給你聯絡!

謝先生你好…

之前你提及銀行與房署的估價有所差別…

以你多年的經驗, 這差別是否大嗎? 有否一方會偏高呢?

(因為我看中了一居屋…需要補地價…但銀行的估價是負擔會有點吃力啊…如果是差別是不大...也不想冒險了)

Thanks a lot!

GUEST:

估價是會有偏差的，高或低也是因應銀行當時的按揭策略，而估價差別不會太大，但通常銀行會高一點，不過這只是本人少少經驗之談!

而你說看中了一居屋，其實如你購買補地價居屋，補地價是由業主負責，地價高低應該對你沒有影響，你買的時候只要銀行估價足夠及在合約說明交吉之前由業主負責補地價費用便可以，買家來說應該不難預算的，更不用冒險! 

本人想問我有層居屋想賣??請問賣給公屋的居民本人是否不用補地價的呢??

2.如本人不用補地價的話,是否要在放售時定價低過自由市場的呢

emily lau你好!

1.賣給合資格的公屋居民業主是不用補地價!但留意雙方先要申請「可供出售證明書」及「購買資格證明書」才可出售!

2.一般是分兩個價錢放盤，自由市場是加入了補地價價錢放盤，所以居二一定是低於自由價!

謝生

 你好,請問官塘曉暉閣601呎單位,如補地價需幾多?

謝謝!

WIND你好!

官塘曉麗苑曉暉閣中銀細單位中層估價$178萬，補地價45-47%，如按銀行估價計算約補80-84萬之間

請問粉嶺景盛苑歡景閣中層大單位(800多尺)，補地價大約要多少﹖

謝謝!

JO JO你好!

粉嶺景盛苑歡景閣中層大單位(800多尺)，大約估價在$150萬，補地價38-51%，因補地價範圍太寬，妳可以先了解一下自己的補地價率，嘗試自行計算，有唔明白或再了解多一些歡迎你再查詢!

我現在是居屋業主, 單位已超過10年, 如果想在同一座大廈買二手單位和把現有的單位出售,請問可不可以? 如果可以, 要不要補地價?

Maggie你好 :

其實滿兩年後已經可以自由價購買或出售，只係不同的手續去做，妳已滿了10年更不用擔心，不過因你沒有購買居二或公屋資格，所以必須補地價買入!

My parents have 公屋 at Tai Po. Now they want to sell it. In the contract, it shows the initial valuation was around $1M. And the government sold us at $500K. But the fee my parents actually paid was around $200K. The remaining $300K in the contract it said it needs to repay or something.

So in my case how to calculate 補地價?

ERIC你好!

政府當年賣給你市值是50萬，你實質所付的只是20萬，而減去的30萬是地價折扣率，所以你物業的折扣率是60%，如果現時市值是100萬，你同樣要補回當時的折扣率60%是60萬。

你好, 請問我在1997年買了居屋, 當時要95萭, 如果現在賣回給政府, 是否都是95萭, 不需補地價.

anna敬上

HI ANNA 妳所提問的房委會回購，如果妳的物業是1997年向房委會買入，基本上過了回購時限，只可出售給屋居第二市場及自由市場，即自行定價出售，大部份業主都會委託地產放盤，妳可致電我地居屋專組幫妳放盤24046699

謝先生, 本人母親 (已退休) 和妹妹 (在職) 現居於公屋, 如果我母親用綠表購買今年10月的剩餘居屋單位和我妹妹一同居住: 1. 可否只由我母親一人作為該單位業主? 2. 本人 (公屋已除名) 可否在該單位居住? 3. 如果由本人負責供款, 銀行可承按幾成和按揭年期最長是多少? 4. 要多少年後才可以以送贈形式轉名給本人成為該居屋業主? 5. 轉名會否影響原本的按揭? 要通知銀行嗎? 6. 如果必須要我母親和妹妹一同作為該居屋業主, 是否要由她們兩人同意才可以轉名給本人? 問題煩多, 有勞! 謝謝!

HI TRACYWAYNE

問題一如果是合資格綠表戶主均可成為購買居屋業主

問題二如果妳公屋冇名要留意佔用權，房委會在未補地價前事實會有一定限制，但妳可以向房委在公屋申請加名後再購入居屋會是較好做法。

問題三居屋未補地價可以用首次賣出日期計最長25年，但係如果新居屋可以25年供款，如5年樓二手居屋就20年供款，至於按揭額最高銀行估價95%。

問題四冇年期限制，但必須有合理由向房委申請得到同意先可以用送契形成轉名。

問題五如果得到房委批准，之後就要再向銀行申請可否批准，批准後先可找律師行做手續。

問題六曷須要得到2位業主同意及房委會和銀行同意。

Hi Roy, 謝謝你的回應. 再請問已補地價的二手居屋的按揭是否跟一般私樓一樣, 同樣一般是按樓價7成和最長可按20、25年? Thanks!

妳好林小姐!有關妳的問題我可給妳意見參考如果補地價和其他單位有出入，我可用屯門一般居屋作出參考，如果同一時期出售的新圍苑單位，我看到樓契的補地價比率是一樣，但如果是貨尾或重售樓契上的補地價比率就會不同，這意見試下可否幫到妳!

HI TRACYWAYNE如果已補地價是和人樓按揭方式一樣，樓新可長達30年供款期，基本銀行提供7成按揭，或9成半按揭(須交保險費)及經HKMC批。

謝生:

您好!

我和先生在7月23日在地產代理游說下簽了一份 <物業臨時買賣合約>: 煜明苑B座3713, $1,928,000 未補地價的居屋, 賣方已付6萬訂金,  將在9月22日簽正式買賣合約, 那時賣方再付$132,800,  成交日期是12月31日, 到時賣方再付清 $1,735,200 (因本人一家將在12月中移民)

代理叫我們在11月初才往房署申請補地價, 目的是達成12月31日交吉前的安排, 問題來了:

剛剛在網上試評估, 現在樓價是 $2,008,000 和 交易時的$1,928,000 相差很大, 很擔心到11月初時, 樓價上升幅度大, 補地價的差額就更大......

想請教謝生, 現在怎麼辦? 本人是很不願意簽 那份<物業臨時買賣合約>, 因當時價格還在相討中呢, 這份<物業臨時買賣合約> 是否在未補地價前沒有效用? 如果毀約, 要賠償嗎? 賠償多少? 因我先生已收取訂金 6萬元, 那他是否犯法?

感謝您的回覆!

黃太

銘兄：咁夜都仲要覆我，我唔好意思就真！

你所說的，我明白了。Thank you！

但千祈唔好叫我做前輩呀，呢度高手如雲，我仲有大把野要學架！

胡先生..先多謝你的意見,但本人是大圍富嘉花園的舊業主,房署答本人個個單位補地價都不同,而公正行估本人的單位是200萬,而本人補地價是63萬多..約是31.5%...但我同富嘉花園多個業主收到的資料..都是補26%..房署答本人因為我是1989年11月選樓....而補26.5%的業主是該年10月中選樓...所以就不同.....我覺得這樣的答覆是十分不合理....而我自己已經不知道從那些途徑去追討....希望各位網友能夠給我一些解決方法。

謝謝^^

謝生:

您好!

對不起, 剛才打錯了字, 我和先生才是賣家, 我們想照正當途徑補地價後才出售上述居屋, 請問怎樣做才可取消那份 <物業臨時買賣合約> 煜明苑B座3713, 我先生已收取了買家的6萬訂金, 他是否犯了法? 怎麼辦?

期待您的回覆, 謝謝!

黃太

銘哥：您好。

我二哥想補地價岀售他的翠竹花園居屋，評估補價申請書上列有：

1>手續費$3300；及

2>上址單位所有轉讓契據副本。

請問<2>是甚麼文件？及

需郵寄往哪一個地址？

THANKS A LOT !

妳好林小姐! 其實房委會出售居屋時和妳所簽署樓契，每個單位都有寫清楚當初市值及當時購入價，即係補地價的比率，所以如果妳再核對自已的樓契和補地價的通知書比率是相同，房委會就沒有計算錯誤，始終係有寫明樓契上，妳再檢查下。

黃太你好!多謝你上來我們網頁，祥益一直也在較複雜的居屋市場努力學習及實踐，今次希望可幫你了解更多!

按照你所述，其中補地價安排的日期是觸犯了房屋條例第27a條，因<物業臨時買賣合約>日期起計28天內要收取到房屋署署長所評估的補地價通知書，申請至批出一般起碼兩星期時間，該通知書一般批准兩個月內完成補地價手續，如你11月初才申請其實已經犯例，因你已不可能在28天內得到房屋署長規定的期限。

以下是地產代理監管局的法例指引通告，可給你參考:

「當 單 位 未 獲 解 除 轉 讓 限 制 之 前 ， 業 主 不 得 轉 讓 、 押 記 或 放 棄 該 單 位 之 管 有 權 ， 包 括 不 得 簽 訂 意 圖 進 行 上 述 事 項 的 協 議 。 但 是 在 出 售 的 情 況 中 ， 買 賣 雙 方 可 簽 訂 買 賣 合 約 （ 包 括 臨 時 買 賣 合 約 ） ， 惟 該 合 約 必 須 包 括 一 項 特 別 條 件 ， 即 ： 房 屋 署 署 長 所 評 估 的 補 價 ， 須 於 土 地 轉 讓 之 前 和 在 由 協 議 訂 立 日 期 起 計 28 天 內 ， 或 在 署 長 另 外 規 定 的 期 限 內 ， 向 香 港 房 屋 委 員 會 繳 付 。」

http://www.eaa.org.hk/practice/ch_circulars_04-03.htm

goat兄你好!

銘哥...不敢當!今天星期日很忙，不好意思遲了覆你呀!前輩的二哥，有任何吩咐隨便開聲!以下資料只是給你了解一下的，明天我找拍檔聯絡你，我們祥益會專業地幫你安排一切手續，不用你粗心了!

「上址單位所有轉讓契據副本」

即是指樓契副本，所有的意思是如你在未補地位前層轉讓，則須要有關所有的樓契的副本!

「請將填妥的申請表及上述所需文件寄往/交往:」

九龍何文田佛光街33號
房屋委員會總辦事處第2座1樓
房屋署支援服務第四組

「評估補價申請書」

http://www.housingauthority.gov.hk/hdw/content/document/b5/others/premium_over5yr.pdf

謝生:

您好! 真謝謝您百忙中的回覆! 令原本憂慮的心, 暫緩了一下。

今天親身到地產代理監管局查詢, 但沒結果, 監管局說現階段沒犯例。 只要我們立刻行動, 拿款走去申請補地價便可, 不要等11月初。

到過住家附近的將軍澳區律師事務所諮詢意見, 都說居屋自由市場全是這樣交易的, 續說11月初才補地價, 是為我們設想吧了, 因為成交日期是12月底; 還告訴我們未領到補價通知書而簽下代理那份正式合約是沒問題呢, 可放心在9月27日簽下, 只要立即委託雙方律師代辦便可。

謝生, 現在本人感到徬徨極了, 進退兩難, 又害怕觸犯法例, 真正感受到食不知味, 睡不安寧的感覺; 我真不願意在9月27日再簽正約了, 只因這份 <物業臨時買賣合約> 是在不清晰及哄騙底下簽的, 心有不甘。只怪自己事先沒有查核評估補價的資料, 又在毫無計算及警覺下就簽了。現在,  電話又響了, 代理又在催促呢, 催促我們盡快給資料他所介紹的律師事務所去辦事, 更提醒在9月27日簽正約……

謝生, 請問還有什麼途徑解決這份<物業臨時買賣合約>? 只有短短數天發生的事, 要是毀了約, 賠償大約十萬元 (平日在家只懂帶小孩的我, 賠償十萬元簡直是一個重擔呀……)。

黃太

謝生:

這刻才如夢初醒, 這個買 Yung Ming  的買家是那家代理的自己人啊 (搵食搭擋)!

嘆自己真笨,  有眼無珠, 看來要撤銷那份臨約真難, 是嗎?

希望有一部時光機, 能倒流在簽臨約的那刻...... 即午夜11時許\, 當好夢正甜時, 卻在自己的家(床上), 被人吵醒 (1個代理跟著我先生回到我家), 在穿著睡衣和帶著睡眼惺忪的情況下,  哄騙去簽這份<物業臨時買賣合約>, 說起來蠢得可憐, 真羞家。

黃太

黃太你好!

如你所述，地產代理是有責任在簽署合約前，說明清楚補地價程序的，我們是非常注重售前的流程，一點也不可馬虎，簽了合約便要根據合約條款去進行!

而妳所說:「代理叫我們在11月初才往房署申請補地價」這情況如是這樣，是有可以構成誤導，妳可再尋求其他法律途徑咨詢一下!價錢方面，妳可以用估價作標準，但單位不同及內部環境有別，也會影響其售價!

黃太我們也明白妳所憂心及不甘，我們祥益一直也是奉公守法去行事，老闆成日同我地說，好多人也睇不起地產代理行業，我們要取回地產代理的尊嚴及專業，所以我們一直也堅守原則，如妳認為真的有誤導情況，當然可作出追究!而在價錢方面，本人有少少愚見，不要太著緊平與貴，高或低，可能妳會覺得針唔吉到肉唔知痛，不如試下睇長少少，平或貴只是時間問題，今日好似賣平了，明日看可能是高價，今日好似賣高了，明日又可能是平價，其實換個角度去想，妳可以如期安排好一切才去移民，追求妳及家人理想的生活，這其實也是一件挺好的事，祝願妳們一家人生活愉快!

謝生:

您好! 十分感謝您的傾聽和關心, 對您的敬業樂業精神, 很欽佩!

您說得對, 價格方面, 我不計較了, 世上光怪六離, 得失放開些, 無謂令自己上演 "六月飛霜, 一夜白髮" 的慘劇, 是嗎?

謝生, 謝謝您為我找房屋條例第27a條, 不過, 我諮詢過那家位於油麻地 <香港業主xxxxx> 的意見, 都說是合法的, 只因我們在 7月23日 簽臨約同時簽了居屋買賣附加條款。 這有關係嗎?  沒有犯例嗎? 愚婦見識淺薄, 請指教。

昨天, 在電話內再次和代理傾談, 他同樣地:「11月初才往房署申請補地價啦, 無犯例, 無問題, 我們大公司, 濕濕碎過千單啦, 放心」。 我有些惱了, 錄了音, 要是循法律去追究, 不知程序, 不知門路, 怎追究?  只怕到時有人會笑: 「傻女人, 犯法? 無睇清楚, 咁又簽, 咩叫有壓力環境底下, 穿著睡衣睡裙去簽呀, 您唔去報警? 咁大個人, 有枝槍指住您咩」?

剛剛, 代理又說買家想提早在11月初完成交易, 比原先12月底早了2個月, 顯然易見, 代理和買家都是同一路人, 平買貴賣 , 計一計, 這個貨短炒圖利連佣可達xx萬或上, 難怪要選擇在午夜時分守在我家等我累了, 趁我一不提防時, 用哄騙的手法達到簽約的目的了。 想想, 以這家的手法, 肯定未來幾天, 要是樓價愈升愈高, 電話就會響不停, 簡直疲勞轟炸, 不得安寧, 有排受, 除非……提早成交。

當下, 我和先生正在商量不如忍痛割肉, 寧願借貸去賠償近 10 萬元現錢的訂金+雙倍佣, 好去給代理和媒人利用。日後的事日後算。

謝生, 很佩服您的人生閱歷, 很想得到您的寶貴意見?

黃太敬上

想請問用白表抽居屋是不是不用補地價?

你好!王小姐

其實現在己經沒有白表抽居屋的了!如果你現在沒有公屋而又有興趣想購買居屋的話你只可以補地價購買(自由市場)!任何居屋所補地價都不相同!如龍門居為例3房約5x萬左右地價!如有興趣可致電比我地!富健分行熱線!24683838

Hi, Alan Cheung

咁我想問下新蒲崗既采頤花園同 啟德花園...2 房同 3房既自由市場既價錢係大約幾多呀?

Thanks

黃太!太客氣及過獎了，本人只是懂得一些地產知識，在祥益學藝多年，老闆支持下，總算可在大家面前獻醜，我們很多拍檔也各有所長，其實在討論區互動下，我們每天也在學習，客戶每一個問題或查詢也可令我們更加充實，唔好太憂心了，多謝晒!

無錯!必須要有一條居屋的附加條件，但條件正如地產代理監管局通告所述，「 即 ： 房 屋 署 署 長 所 評 估 的 補 價 ， 須 於 土 地 轉 讓 之 前 和 在 由 協 議 訂 立 日 期 起 計 28 天 內 ， 或 在 署 長 另 外 規 定 的 期 限 內 ， 向 香 港 房 屋 委 員 會 繳 付 。」

上述附件要符合兩個補地價條件:

1. 須 於 土 地 轉 讓 之 前 和 在 由 協 議 訂 立 日 期 起 計 28 天 內 (即是說你必須要在簽署買賣協議起計28內，向香港房屋委員會繳付補地價) 

2. 或 在 署 長 另 外 規 定 的 期 限 內 (即是說你除非得到署長另規定期限)

即你要在28天內申請補地價及在期限內收到署長批准的補地價通知書去進行補地價，但補地價通知書一般署長會批准在發出後兩個月內完成補地價!所以妳的附件是要符合以上規定及要根據程序去進行，否則是犯了房屋條例!

謝生:

您好! 請原諒再次煩擾了您, 只是能得到您的回應, 心境自然清靜了許\多!　

居屋的附加條件　「 即 ： 房 屋 署 署 長 所 評 估 的 補 價 ， 須 於 土 地 轉 讓 之 前 和 在 由 協 議 訂 立 日 期 起 計 28 天 內 ， 或 在 署 長 另 外 規 定 的 期 限 內 ， 向 香 港 房 屋 委 員 會 繳 付 」  (協 議 訂 立 日 期 起 計 28 天 內)　協議一詞　是否指簽訂<物業臨時買賣合約>日期起計28天內要收取到房屋署署長所評估的補地價通知書呢？

如上所述，　那家代理　<鴻x地產>　叫我們11月初才申請補地價通知書,　為的是能在交接期 (成交日12月底) 在買家餘額內支付補地價的費用。這肯定不相符了，因為從簽臨訂那日計起28天內，要得到房屋署長規定的期限；如我們聽取代理建議，到11月初才申請補地價。就犯例了，我的理解是否正確呢?

(俗語說: 弄得不明不白, 走得不安不樂)。再次感謝您的回覆!

黃太敬上

黃太:

簽訂<物業臨時買賣合約>日期起計28天內是必須要收取到房屋署署長所評估的補地價通知書的，而所訂立在合約的附加條款也是合約的一部分，必須跟隨去行事，否則是違反了合約，而合約訂立的條文及行事也必須合乎香港法例的!

以下是之前給你監管局通告的其中內容:

根 據 《 房 屋 條 例 》 第 17B 及 27A 條 ， 如 單 位 未 解 除 轉 讓 限 制 ， 除 在 上 述 例 外 情 況 外 （ 即 買 賣 協 議 中 包 含 特 別 條 件 ） ， 有 關 出 售 、 出 租 或 轉 讓 協 議 或 其 他 文 件 均 屬 無 效 ， 而 簽 訂 該 等 協 議 或 文 件 的 人 士 亦 屬 違 法 。 地 產 代 理 亦 可 能 因 協 助 或 教 唆 犯 法 者 而 犯 同 樣 罪 行 。

回覆:王小姐

唔好意思咁晏先覆你!

其實如果你想搵采頤花園同啟德花園!如果采頤花園要搵補地價既3房價錢大約會係210萬至220萬左右不等!2房大約係市場成交價約150萬左右! 而啟德花園3房約230萬左右!

希望呢到小小資料可以幫到你!!!

謝生:

您好!

對於因被地產代理而 誤導促成的居屋交易,   警方受理嗎?

謝謝您!

黃太敬上

黃太妳好!

一般代理有誤導情況，表面證據成立，地產代理監管局也會受理，去信有關代理了解情況，是否涉及誤導，由監管局去決定是否成立及追查!

而警方是否受理這方面，因本人不太了解而且知識淺薄，其實給予意見未必恰當，不過我認為可能要引至除佣金以外，涉及其他得益，才會受理!

希望幫到妳!

謝生你好!

本人現與媽媽共住一公屋單位,媽媽是戶主我是住戶.請問如果買居屋(二手市場)可否只用我的名買?

另外如果一個65萬的居屋做90%按揭,保險費大概要多少?

謝謝!

CC你好:

如果你是擁有公屋戶籍的話(即公屋租咭上有你名)，便可以在申請購買資格證明書時，轉回你名字做申請人便可!

而居二市場是可以一站式95%按揭，完全不用保費的!

以下是申請細則及購買資格證明書的申請表格，填妥後交回自己屋村辦事處便可，有效期半年!

http://www.housingauthority.gov.hk/b5/residential/hossecondarymarket/applproc/0,,,00.html

Hi 你好.

我計劃用丁權起屋. 我想問係咪可以起完先補地價? 要補幾耐? 你有無經驗分享點樣做比較好和有效率呢?

Charles你好!多謝你查詢!

建丁屋是相當專業的問題，一般是律師行去處理整個程序，你可以再找一些律師行提供更專業的意見，而丁屋補地價是起完後才補地價的，如要轉讓才補，而自用的話，五年後是不用補地價，補地價申請幾耐，則要睇地政署，一般約3個月!

請問，我已收到房署發的補地價信，但房署估價過高，我想提出反對，信中要我9月30日前邀款，如我現在提出反對，他們會否再發一個限期給我，還是仍要9月30日前邀款?

HI J WONG !

如果你須要上訴是可以補地價通知信發出日期計28天內向房委會提出，而房委會會再將物業重新估價回覆業主，至於補地價期限可以跟據首次或第二次上訴發出的補地價通知書期限補地價，但必須留意如果首次通知書到期前都未收到第二次的上訴通知書則必須先付地價，最後房委會回覆上訴結果後如果能夠估低了地價就會另外發出支票比業主，多謝查詢!

請問下藍田的康瑞苑、康逸苑和鯉安苑 ... 3房未補地價的價錢大約是多少？因在網上看到的成交價，不知是補地價未；另外，銀行會估足價機會大嗎？若沒有賣家的折扣率，可在網上估價嗎？十分謝謝！

本人09年底便會結婚, 但本人只有十幾萬. 我想知道最少需要俾幾多成首期如(一層95萬既樓) ?.可否借到9 成 ?  謝謝!

謝小姐你好!

藍田的康瑞苑、康逸苑和鯉安苑 ... 補地價如下圖，而須要補多少地價金額，是要個別單位去評估，因估價及補地價各有不同的關係，所以起碼要有太約的地址才可以作估計;而網上看到的成交價，是沒有記認可以分別補了地價或未補地價的，只有看售出價去辨認；銀行估價是否足夠，看個別單位而定，而網上估價的絕大多數只是包括了地價的價錢!

HI GUEST!

其實本公司已經為上車客提供100萬上車專區，內容亦有詳細的供樓計算機，首期及開支預算表，更加有多個100萬屋苑比你參觀，快的入我地以下網頁啦，多謝!http://www.manyw.com/100/100.php

本人單位為將軍澳康盛花園..剛收到通知書估本單位價值為1,420,000就此估價想上訴之時再上銀行作一次估價巳升為1,490,000，因兩個星期前還時1,420,000...但現在竟升了，因一向聽大家講銀行係會估得偏高，所以正想上訴之時又估高了，我應點做呢???放棄上訢呀定試一試呢???以這個案會否得不當失呢???但見近來成交又去不到這個價的

如果真的上訢又可提供到什麼實質資料呢???因為銀行又的確估高了，但成交又去不到...如我只是提供近期成交作資料又會否抵銷到銀行的估價呢???又可否因我現在的樓齡巳20年了去作出反對呢???真的不知如何是好..請回覆，謝謝^^

你好^^

我代我爸爸一問..佢想放屯門翠寧花園居屋一個單位係5座高層D室,我睇銀行估價都135-140萬.....因為單位未補地價 ,如果賣到140萬我想問補地價要幾錢到?? 定係一定要先補地價後買賣呢??

謝謝^^

黃太你好!好謝妳的查詢!

近期樓市不斷上升，銀行的估價高了是正常現象，上訴可能會有風險，再估價如有所上升，是會以妳新的估價作標準的，而再上訴的話，如近來成交又去不到這個價的，妳可以用近期成交記錄給予估計公司試一試，銀行有銀行的估算標準，房委會估價行有他們的標準，但樓齡對估價高低並無幫助，在估價時只是以過去的成交價為準!

你好，我有間自置公屋，出售期2001年，如估價100萬，我賣120萬，是以那種價錢補地價？買家可以做幾多年按揭？請回覆，謝謝

翠寧花園居屋出售有居二價及自由價 (一)居二價 即有公屋同房委會換居屋 冇需補地價

自由價即任何人仕可購入(包括承擔補地價金) 翠寧5/6座折扣率:40.49%參考價$55-57萬

如有查詢 請電:24046699

你好,阿MING.我係KEVIN,多謝你既留言,如果你係租置既公屋,補地價手續同居屋無異,一樣要同房署申請,房署就會委派測量師行幫你個單位做估價,以測量師行既估價再乘你既單位節扣率(每個單位唔同,資料可於閣下既單位樓契內搵到),就會出到個正確地價。

至於買家按揭年期,係視乎屋苑樓齡及買家既年齡計算,樓齡用40年減樓齡,買家以75歲減真實年齡

如有任何問題,歡迎你再留言比我地啦,THX!!

唔好意思! 想請問你們知否東涌的居屋市場如何啊? 大約500呎左右. 因本人在機場返工, 所以東涌往返會方便啲..thank you!

本人有意交回公屋單位從而以在居二市場購入居屋, 但想先了解以下問題:

1. 日後若打算出售該居屋單位, 是否先有補地價?

2. 那種情況下出售不用補地價?

3. 如我日後想轉按, 是否需要先補地價?

你好, 我而家住緊的居屋已經供完，不過居屋個名係我親戚，如果要轉名比我我係咪要付補地價的費用? 因為我唸住自住的，補完地價應該都唔會賣，咁咪好蝕?有無其他辦法?

又如果真係要補，手續如何?

謝謝!

WWT你好!

遲了回覆你不好意思!東涌暫時我們未有分行，多謝你的賞識，我們會全力作出協助，可嘗試幫你找有關的盟友行家處理，有興趣可致電21912233或customer@manyw.com聯絡我們!

LINDA你好!

1. 日後若打算出售該居屋單位, 是否先有補地價?

答 : 你是不一定要補地價才轉讓，居二市場或自由市場也可放盤!

2. 那種情況下出售不用補地價?

答 : 屋居第二市場形式 -- 居 屋 / 私 人 參 建 居 屋 計 劃 單 位 第 二 市 場 ( 以 下 簡 稱 「 居 屋 第 二 市 場 」 ) 是 為 那 些 由 首 次 售 出 日 起 計，屆 滿 兩 年 或 以 上 的 居 屋 而 設 ， 使 業 主 在 不 需 要 補 地 價 的 情 況 下 ， 將 居 屋 轉 售 予 公 屋 租 戶 或 綠 表 資 格 人 士 。 買 方 必 須 承 擔 將 來 在 公 開 市 場 上 把 單 位 出 售 時 ， 所 須 要 繳 付 補 地 價 的 責 任 。 首 次 售 出 日 指 房 屋 委 員 會 或 發 展 商 第 一 次 將 單 位 售 予 購 樓 人 士 而 簽 訂 轉 讓 契 據 的 日 期 。

3. 如我日後想轉按, 是否需要先補地價?

答 : 不一定須要，但必須先得到房委會批准!

多謝你的查詢，以上回答希望可以幫到你!

MATTHEW你好:

以我們所見有居屋業主試過用送贈形式去進行轉名，是可以不用補地價的，但你先要向房委會申請，他們審批後才可進行，你可再向律師了解情況，雖然你留回自用，但也要留意，如在短時間出售的話，可能會因送贈時間太短，會導致新買家不能承造按揭，轉手比較困難!

你好啊...我有問題，我想問？一個人拿綜緩的人想租公屋，但該公屋未補地價？可以如何去租啊？

幫幫手吧...

請問一下, 將軍澳安寧花園5座高層A單位, 現在要補多少地價?

多謝回答, thanks....

bxxxxxxxxxx@yahoo.com.hk

小林你好!多謝你的查詢!

業主如擁有公屋而未補地價，只可以作為自用，是不可以出租的，我們是可提供一些已經補了地價的公屋介紹給你，你可嘗試致電良景分行24562668查詢!

郭先生你好!

將軍澳安寧花園5座高層A單位，現時中銀估價是約206萬，而補地價比率在23%-43%不等，因相差太大，你要先了解你的物業補地價比率是多少才可作出計算，如知道的話你可以以估價自行計算!

現時慈雲山慈愛苑2期12樓高既516尺兩房單位, 請問補地價大約是多少?

我去房署既網站睇過大約係46%, 但是我找不到估價, 去過地產公司竟然話要補約80萬, 但賣家都只是賣90萬左右, 會不會太誇張了?

你好！ 我們的居屋是用綠表購買的(麗晶)，已住了十多年，未補地價，地產看過可售185萬。現想轉環境，看中了赤柱居屋，約值200萬。

想請問是否有居屋換居屋而不用補地價的呢？應怎麼辦呢？ 謝謝你們的幫忙 : )

朋友你好!

慈雲山慈愛苑2期12樓高既516尺兩房單位,要找銀行估價才知道，所以要有確實地址，有了估價後大約可作評估，如房署資料估價46%便是你須要的地價，而賣90多萬要補價80萬是不合理的，你可以再了解多幾間附近的代理行情況，如再有疑問或估價可e-mail給我們customer@manyw.com

Sai Yi Yi你好！

沒有居屋換居屋而不用補地價的買賣，房署規定一人只可以擁有一次未補地價的居屋，所以你第二次購買入是必須補了地價的，沒有辨辦法只可以在已補地價市場購買!

謝先生，你好！

如你所說，房署規定一人只可擁有一次未補地價的居屋。假如我現住的居屋是由我先生及其父親聯名購買的，而我從未買過居屋，那我可否以個人名義買未補地價的居屋呢？

很多謝你的幫忙 : )

Sai Yi Yi你好！

你要購買未補地價居屋，首先是要擁有綠表資料，如沒有便必須則不可購買，所以你以個人名義也先要擁有有關資格，如有不明白歡迎再查問，希望可以幫到妳!

你好, 請問如何查間居屋是否已補地價? 是否要付費用? 費用會是多少? 

為何同一居屋樓盤 , 可顯示綠表賣買價格 , 又顯示自由市場賣買價格 .

如自由市場賣買價格 , 業主是否需自行先補地價才可賣買 , 能否於簽正式賣買合約時 , 才補地價 .

妳好SA SA

如想知道物業有否已補地價，通常物業的土地查冊會顯示房委會的補地價收據就即係已補了地價，如沒有顯示就須要業主出示有關收據正本，因如二手買賣或原業主補地價加按通常會經律師登記收據上土地查冊，如業主自行補地價就可能業主自行沒有向土地註冊處註冊，一般查冊費用10元及25元，多謝妳查詢或可再電24046699

鄭小姐妳好

居屋如果未補地價是可以出售給綠表人仕(公屋住戶)便可免補回地價出售，一般比自由市場價格低3-4成左右，而自由市場即係業主向房委會申請補地價出售，可賣給任何人仕，至於補地價流程必須根房委會的條例去做，但支付補地價亦可買賣雙方商議以樓價尾數去支付或業主自已比錢補，總之已支付了地價金給房委會便可簽署轉讓契約將單位轉給買家，如有問題可再查問，多謝!

貴行觀塘有分行嗎 ?  我想買觀塘寶珮苑 !

鄭小姐你好!

祥益於觀塘區沒有分行,

如有需要可介紹該區的相熟行家給你,

多謝你的留言!

哦, 想更正一下, 原來我要問的不是2期, 而是1期

看到你的回覆後, 我去過幾家銀行的網上估價, 結果估出來的都差不多是162萬, 乘一下折扣率46%, 補價就要近75萬, 請問這個合理嗎, 房屋署會不會跟銀行的估價差不多?

賣家才賣$90多萬, 補價就要75萬了, 加起來就快170萬, 真不化算。

Hi 您好,

想放售於2001年以綠表資格聯名於居二市場買入既二手單位, 供了一半亦未有補地價, 而其中一業主已辦理破產, 故想知道放售於居二/ 自由市場是否獲許可?

1) 於居二市場放售是否先得房署批准? 要什麼資格可免繳付補地價費用?
2) 於自由市場放售能否由買家提早安排資金我們補地價給房署嗎?

多謝回覆!

你好,Ms Lam,我係kevin,多謝你既留言,如果你既物業係聯名業主,而其中一位業主係申請左破產的話,物業都可以做到買賣,只係破產既業主唔可以簽任何文件,全部要由破產管理居簽署

1)如果你要係居屋第二市場放盤,首先要同房署申請【可供出售証明書】,只要準買家係公屋住戶既話,你就無須補地價,但剛才已提到申請左破產既業主就要由破產管理居簽署

2)如果你係自由市場放售,你係可以經律師樓,以買家既訂金去補地價既

如有任何問題,歡迎你再留言比我地,或致電2468 3838 or 2404 6363搵我啦,thx!!

朋友你好!

房屋署不一定與跟銀行的估價差不多，但可作參考的!

而化不化算，你可以用實際角度去了解一下，房署是以你當時市值減去了地價，給了你優惠免地價購入，而現在出售時升了值或蝕了，房署亦同等地，賺取了升值或蝕本去一同承擔，這個睇法會覺得合理一些嗎?不過在2000年-07年的居屋一般補地價率也較高，對將來出售時與私人市場競爭時，定價會較困難!

謝生:

您好! 早前很感謝您的回答關於煜明苑 (臨約日期7月23日), 現再有以下問題, 懇求賜教:

1. 代理去信我們的律師代表: 說我們因為補地價問題而產生的枝節

我們只是從貴行網答資料才知道11月初往房署申請補地價是觸犯了房屋條例,  及後查詢房署得到同樣答覆, 証明貴行是專業, 那間xxxx 指我們因為補地價問題而產生的枝節? 是指什麼枝節? 

2.  代理去信我們的律師代表說 其公司xxxx直至09年9月22日由買方通知才知道我們悔約

(由買方通知才知道我們悔約)---我們在09年9月22日簽正約前已致電通知了代理成交不到, 到了晚上我們約好2位朋友一起到代理店舖, 要求代理約買家, 但代理推說約不到買家, 因為買家已去了律師樓簽正約, 又說買家十分喜歡我們的房子, 已去田土廳登記了, 我們只好將悔約支票 (訂金60,000 加 賠償$60,000 萬) 放在代理台面就走, 很明顯, 這家代理的誠信不可靠, 在砌詞狡辯, 我們的律師代表信以為真,只怕地監局調查時也信其圓說, 那我們該怎樣做?

3. 現根據本合約內容之第八項賠償與買方外, 還須即時付代理佣金 $38,560 (即合約 10a 條款)

我們的律師叫我們要立即支付代理佣金, 說才會解除釘契手續, 這事件已交地監局, 我們可否等結果才處理佣金問題? 因為這事, 我們怕怕, 暫時不會賣買居屋了...

4. 賣方賠償後, 買方才會綞律師行簽署一份取消合約之文件及於田土廳註冊之 Memorial No. 09082100xxx 取消登記

買家已過了總數$120,000 的悔約支票, 不是可解除釘契嗎? 我們的律師代表說是代理說買家要求釘我們的樓契, 要我們盡快支付代理佣金, 否則控告我們, 有這例嗎? 我們徬徨無助, 我們可否先上告小額法庭?

5. 五個工作天內得到回覆

代理要我們的代表律師 五個工作天內得到回覆,是催促我們要支付佣金的問題, 我怕支付了佣金, 這家xxxx 會繼續留難我們? 我們已咨詢過律師代表意見, 說回覆不到. 我們不熟識法治管理? 往哪裡求助?

謝生, 我們很欣賞貴行的專業精神, 誠懇的服務態度!

我們正熱切期待您的寶貴意見, 謝謝!

祝貴公司 生意蒸蒸日上!

黃太敬上  

黃太太!多謝你的讚賞，這是老闆多年來對我們的教導及要求，祥益亦是希望成為專業而有誠意的代理!

1. 代理去信我們的律師代表: 說我們因為補地價問題而產生的枝節......

答: 如沒有指明什麼技節，可以不用理他，沒有重要性，如妳想了解一下，可叫律師出信問明對方作了解!

2.  代理去信我們的律師代表說 其公司xxxx直至09年9月22日由買方通知才知道我們悔約......

答: 一般臨時合約，只要作出賠償後，則雙方也沒有任何責任，賠償的支票或戶口的過數記錄，便是証明!

3. 現根據本合約內容之第八項賠償與買方外, 還須即時付代理佣金 $38,560 (即合約 10a 條款)......

答: 釘契是可以在你有須要出售前才解除，釘契有不同性質，如在金錢上，則要留意當中訂契後是否有判令須要履行或承擔有關金錢上的利息，而佣金與違規是兩個不同的問題，如何決定在乎自己!

4. 賣方賠償後, 買方才會綞律師行簽署一份取消合約之文件及於田土廳註冊之 Memorial No. 09082100xxx 取消登記.......

答: 如果你經由雙方律師做取消合約手續便會更清楚，不過你可以要求律師出信補做悔約文件，再向田土廳取消登記，而買家已收取了賠償事件已經完結，應該與代理佣金無關，代理只可用自己的身份在小額錢債法庭追收佣金或釘契處理!如妳不是追收金錢上的損失，小額錢債法庭是不會受理!

5. 五個工作天內得到回覆.......

答: 一般律師信也會有合理的處理時限，基本上賠償了佣金便完結，妳可以要求律師幫妳一併處理取消臨時合約文件及賠償佣金事宜，雙方白紙黑寫，及註銷有關釘契文件，會清楚及安全一些!

您好,

1. 本人現為”房協”的住戶, 若入息已超過居屋之最低申請限額一萬元, 是否還有什麼其他途徑去申請居屋?

2. 若本人購入了補地價後之居屋, 會否被房協強制退會及遷出? 另購買私人樓是否同一代遇?

3. 假若補地價前約150萬, 補地價後超過200萬, 所收取之釐印費會否當200萬以上計算?

4. 做按揭時是否可連同補地價後之總數做? 近期可否按 95% 及 分30 年還?

5. 當購入了補地價後之居屋, 放租之手續會不會特別麻煩?

6. 當物業要維修時, 買入補地價後之業主有什麼應付之責任?

謝謝!

謝生:

您好!

真幸運從網上認識貴行及再次感謝您賜給的寶貴意見! (唔好意思, 打搞晒咁耐)

本人十分欽佩貴行的專業精神, 誠懇的服務態度!

在此, 本人想藉著這個機會, 衷心感謝您們老闆汪敦敬先生及汪夫人! 是您們老闆的銳利目光, 懂得知人善任 (賢臣良將)! 好老闆! 感謝晒!  

祝貴公司 生意蒸蒸日上!

黃太敬上

你好,TERRY,我係KEVIN,首先多謝你既留言

1.你可以用你既房協公屋既資格,係居屋第二市場購買居二市場既單位

2.其實你買左補地價既居屋同私人樓無分別既,你亦需要同房協申報,如你既戶籍有其他家人的話,你可以取消自己既戶籍,否則,到入息審查既時候會有影響,房協需要你繳高較高既租金

3.如果你買一個補地價既居屋,成交樓價當中已包括地價在內,所以只要你成交價係200萬以,就只需要繳付$100既厘印費,地價多與少只係業主負責既

4.買補地價既居屋同私人樓無異,做按揭當然以你買入既價計算,即是包埋地價既,只要你有足夠入息証明,亦可以做到95%按揭,至於年期就要睇你個人年齡及樓齡計算

5.如果你係買入已補地價既居屋,同私人樓一樣,只要你係7成以下既按揭,就可以將物業放租

6.物業維修是以業權份數去計算,與地價無關

希望以上既答案可以幫到你,如有任何問題,歡迎你再留言或致電2468 3838搵我啦,THX!!

黃太!妳太客氣了!千萬不要說打搞!我們是非常榮幸可以為妳服務!

的確!沒有了汪生、汪太的帶領我們是沒有了今天這麼多的機會，他們捍衛的不單只我們的前途，更連繫到每個人的品格及家庭，現在我們的管理層全部已經在祥益10多年，有的由18歲便入行做現在.....結婚、生仔，我也要在此再多謝他們多年來用心的照顧我們每一個，而我們在每一個環節也在學習，好像在每一個回答前，也找機會與組員研究一下，這就是你們留言給我們學習的機會，所以多謝你們就真，希望妳的問題早日解決，不要太掛心!

在此，我們也藉此多謝在留言查詢支持我們的網友及貴客，如有任何未完善的地方希望多多提點，我們會努力進步，多D上來考驗下我們，多多包涵!

真係多謝你的鼓勵！事實上，要行專業的路也要面對好多唔公平的經驗，不過有你這句說話，就是最好的回報！

也事實上，祥益仲有好多地方要改進，祥益手足也要繼續努力！

多謝 Kelvin 你的專業答覆!

是否只須交回自己房協的戶籍 (無需全家交回) 就可以立即享有免補地價購買居屋? 還是要經過申請及審批後才可購買免補地價之居屋? 如是, 希望閣下能提供多些關於申請之手續, 因本人月入已過一萬, 故不能以個人身份去申請綠表了, 但卻希望購入不用補地價之居屋!

謝謝!

Hello,Terry 多謝你再次留言

如果你想買未補地價既居屋,就要係全間公屋要交回比房協,否則,就只有用自由市場既價錢購買居屋,並無其他辦法喇!

不過你真係可以考慮下用自由市場購買居屋,甚至係私人樓,因為供款年期可以較長(因居二市場供款年期係25年減樓齡)一般都可以做到30年,都係好輕鬆既,同你交租差不多,現時屯門區仲有部份屋苑有100萬以內既兩房單位,就當你做95%按揭,分30年供款,以現時利率計算都只係供＄３，５００左右.真係抵過交租呀!!認真考慮下啦,如再有問題,你隨時再留言比我啦,THX!!

你好, 我想問馬鞍山恆安邨恆日樓高層向東南, 現時值幾多同補地價要幾多???
另外想問馬鞍山錦鞍苑o既折扣率係幾多, 但咩價錢先合理?
另外, 兩個屋苑都超過廿年樓齡, 銀行可以做到幾多年按???

GUEST你好!

以下給你一些成交及補地價資料作參考，沒有物業呎數或大約資料，所以未能給予估價情況，而自由價買賣銀行按揭一般仍可以做到20年或以上按揭!

你好!

本人想知道近期荔欣苑實用面樍539呎低層估價大約多少? 請問賣給綠表居民或自由市場哪一方面比較化算?

你好,JPG,我係KEVIN,首先多謝你既留言

現時荔欣苑既估價,以網上估價作為參考,由215萬-235萬不等,視乎你既方向而定。至於放盤方面,如果係居屋第二市場放盤既話就係實賣實收,自由市場你就有機會要承受補地價既風險,因地價可升可跌,確實既地價就需要估價行到你既單位估價先可以出到個地價係幾多,未出到補地價通知書之前都只係預計既,如果你唔想失預算既話,你就可以考慮係居二市場放盤,自由市場既話你可以預鬆D個地價,以免相差太遠。你可以同時於兩個市場放盤,有邊類客人你咪再考慮下,希望以上資料幫到你啦!如有任何問題歡迎你再留言比我地,或致電2468 3838搵我啦,THX!!

你好!  有一個問題想請教, 我買的居屋是用50%折扣率的, 你們公司所例出的未補地價的價格是用什麼的折扣率? 如果我想出售,是否要搵一個買家都是用50%折扣率呢? 如果買家是用30%折扣率,我出售的單位價值是否要按比例下調, thx!

你好ANDY

你所問的問題我可以解釋給你知，首先你所講的買家及賣方要同折扣率去做配對是不對的，買家只須要是綠表資格持有人，或是公屋住戶便可向房委會申請購買資格証明書去物色居屋第二市場單位。或者普通買家用自由市場即補地價買入，與折扣率配對無關。

另外業主方面的折扣率是根據當時房委會開售時給你的折頭，所以每一期的居屋發售都不同折扣率，如你知要補50%地價，你可放居屋第二市場免補地價出售，而折扣率就由買入物業的綠表人仕將來去負責，而自住可一直不用補地價，而你亦可放售給自由市場即補地價出售，房委會會評估市值要求你補地價，例如你的物業市值是200萬，50%折扣率就須付100萬地價給房委會，希望可為你解決到問題啦!

你好! 請問馬鞍山恆安村中層大單位(600多尺)，補地價大約要多少﹖可以找銀行估價嗎?? 還是要房協指定的估價公司??

你好，我有間自置公屋已供完放售，買家持有綠表，雙方都有可出售,購買證明信，樓契文件已遞交律師樓，如果買家不用問銀行貸款，雙方同意，可以提前成交嗎 ， 成交期如何計算，請盡快回覆，謝謝                                                                                 

                                                                                          KIt

KIT:你好,如果你個單位供完,又有契在手,可以早交樓,不過要睇下律師事樓方面

文件可否做到,如果正常時間交吉是要大訂計一個月交吉,如有不明白可以打來良景分行

電話:24562668

Manice 你好!

恆安村補地價約54-64%，是必須要政府指定的估價公司作估價!

希望可以幫你了解多一些.

你們好 !

首先好開心今晚上網發現了你們的網站, 令我獲益良多.

其實我有一些問題想問吓 :-

1) 我現在住的居屋是我老爺(已過身多年)及奶奶為業主, 但單位已供完及有契在手, 我想問她可否以送贈形式去轉名給我先生 (她的兒子&我)，咁樣是否不用補地價也可以辦到.

2) 若可轉名, 我同我先生可唔可以再去做按揭, 因我們都是自住沒有想賣樓, 另我們都想比番D錢老人家, 唔好白食白住啦 !

3) 若可做按揭唔知可按到幾成 ?

謝謝 !

等待你們回覆有煩惱的人

你好,GUEST(有煩惱的人)我叫KEVIN,首先多謝你既留言,更加多謝你對我地公司網站既讚賞,希望我可以幫到你啦!

1)如果你現在住既居屋單位業權係你奶奶擁有的話,佢係可以用送贈契形式轉名比你先生,亦可以唔須要補地價,只需要同房署申請,再搵律師樓攪手續就可以,不過你要留意,如業權是以送贈契形式轉名的話,如你想賣樓就會有風險,因大部份銀行都唔會為送贈契物業提供按揭

2)如果以送贈契轉名既話,你可以申請補地價,然後再加按,咁你就可以有錢比你奶奶。另一個方法就可以用你同先生既名義以自由市場去購買你奶奶既物業,這做法會較有彈性,亦唔會影響到你將來賣樓既手續

3)如要加按的話,最高只可以做7成既按揭,如果係以自由市場方式購買的話,最高可以做到9成半按揭,當然兩者都要你有入息証明先可以做到批核啦

希望以上既答案可以幫到你啦,如果你唸到任何問題,歡迎你再留言比我地,或致電2468 3838與我聯絡,THX!!

你好，很開心見到這個網站，因為令人本人獲益不少，本人有以下問題，希望你們可以幫到手

1)　本人和女朋友打算自置物業，所以打算抽新一期居屋，但由於本人早年已買了居屋和家人一齊住，所以她只能用一人身份申請，她的月入大約八千元，資產約六萬，我想問她如果抽中的話，跟據她的收入，我們可否購物大約百幾萬的單位，銀行會願意為她做按揭嗎?

２）本人也想問市面上有沒有一些三房單位，賣緊約１５０萬，如有，請提供一些物業的資料

萬分感謝你們的幫忙

ＰＪ

你好, 本人對今期推出的居屋有興趣。最平的單位是約五十萬, 我想問一下購買後若想補地價, 現在的市值是多少?

你好,PJ,首先多謝你既留言,我叫KEVIN,遲了覆你,不好意思

1.如果以你女朋友$8000既入息計算,供樓上限就係$4000,如果你係做9成半按揭,就只可以買100萬左右既物業,25年供款$4110

2.如果你想搵150萬3房單位,你可以考慮嘉湖山莊,3房約700呎部份單位叫價都係140-150萬左右,如屯門區你可以考慮居屋屋苑,例如:悅湖山莊130萬,龍門居富健花園3房140萬,兆麟苑130萬,另外私人樓方面:大興1期,康德花園,豐景園都有150萬以下既3房單位,你可以考慮下會睇邊個屋苑,我可以再比D價錢你參考

希望以上資料幫到你,如有任何問題,歡迎你再留言比我,或致電2468 3838搵我啦,THX!

你好,GUEST,首先多謝你既留言,遲了覆你不好意思

今期重售居屋既折扣率一律都係7折,如果你將來要補地價的話,就要補番市值既3成,至於市值係幾多,每個地區都唔同,要由測量師行評定

如需要其他資料,歡迎你再留言比我,或致電2468 3838搵我啦,THX!

kevin多謝你的答覆，等我看看你介紹的單位

另外，本人和母親現在共同擁有一個居屋單位，我想問有沒有方法可以讓我的名字加到我女朋友的居屋單位 (當然我可以取消我現有居屋單位的名字)

你好,PJ,多謝你再次留言

如果你想加名到你女朋友既居屋單位,唯一做法係要去做補地價手續先可以去做加名,除此之外,暫時再無其他既做法。

你可以去我地網上睇樓,睇下唔同屋苑既間隔及環境,如果對某個屋苑有興趣,你可以與我聯絡,等我幫你安排睇樓,如有問題,歡迎你隨時再留言比我,THX!!

先謝謝你

另外，我想問將軍澳的廣明苑12室的單位 (約723尺)，想問現在要補地價多少 (我的單位是早兩三年透過綠表買的，補地價上會否有分別)

謝謝

你好,PJ,再次多謝你既留言

居屋補地價最主要都係睇番你既單位首次出售既節扣率,與你係咪綠表買番黎無關係,至於廣明苑就有分1,2期,1期節扣率係44-48%,2期係48-51%,地價計算方法就係以你個單位既估價乘節扣率,近期廣明苑成交價大概係2500-2700/呎左右,你可以作為參考,以單位呎數x呎價x節扣率,就可以大概知道你個單位補幾錢地價。

如有任何問題,你再留言比我啦,THX!

謝生:

您好! 多謝您一直以來的解答, 一間充滿活力與熱誠的公司, 確實令顧客充滿信心!

謝生, 本人就是對貴公司充滿信心, 請不要嫌煩... 又再請教了, 請問貴行可否介紹將軍澳區相熟的行家或盟友? 又, 最近瀏覽貴行的網站, 在介紹屯門區的樓房, 本人和街坊朋友都想瞭解多些, 可否致電找您嗎? 或可否直接到貴公司請求賜教呢?

祝貴行

     生意蒸蒸日上!

黃太敬上

您好: 本人欲想出售公屋,我想知道當時市價是$10,900,00,購入價$534,600,現估價為$12,000,00,補地價數目是多少??另外,亦想知道是否要補了地價給政府先可以進行出售單位??可否同時進行??

謝謝!!

黃太妳好!熟客仔不用客氣了!

我們剛剛向世界出發回來，沙巴好好玩，的確是一個渡假天堂，有時間與屋企人去鬆一鬆!

唔好掛住玩喇，言歸正傳!無問題，好多謝妳們對祥益的厚愛，將軍澳區相熟的盟友我們可以幫妳安排一下，而與我聯絡當然歡迎，妳可以打21912233找公關部HANNA留下電話及取我的聯絡電話!希望日後再多D上來傾下計，比下意見我們!稍後電話再詳談!

郭小姐:

我是良景分行亞敏.有關郭小姐問你單位補地價几多,首先同你講下,本身層樓有個折扣率.計法市值減購入價再除市值.即是(1090000-523600)*1090000=50.95%,另政府計市值是政府自己上去影相再估值,他不跟成交價,亦不跟銀主估價,政府只會參考.再者公屋暫時不用去做補地價,可以給綠表市場.即是樓換樓,不用補地價.不過先用做一張可供出售證明書.如自由市場買賣,則簽左合約時即時去申請補地價,可以同時進行,如需進一步資料可以電24562668.

本人想買一間未補地價既居屋, 但業主係二手市場放150萬, 問題如下:

1. 可不可以業主係未申請補地價之前, 同買方簽署臨時買賣合約?

2. 係臨時買賣合約上, 樓價可不可以"150萬 + 房署補地價" 定明? (因為未知補地價錢)

Thanks

Alex 你好!

居屋未補妥地價係唔可以簽署臨時買賣合約的,臨時買賣合約上係唔可以用(居二市場價錢+房署補地價)定明,正確係要在臨時買賣合約上的樓價位置填上包括補地價價錢,而唔係將個價錢分開寫,如有問題可與我聯絡(TEL:24583838)

1）我個人名義抽白表居屋可揀屋，我媽想在屋時在屋契加我家姐名上去。可以嗎？需要補地價？有什事需要注意？

2）我現在同家人住公屋，我想擁有的是自己的屋業，如果放棄這次的白表籌，下次可以用綠表抽嗎？

請問 藍田興田 公屋 大約500呎
估價大慨多少錢?
本人01年 已租者置其屋計劃
想補地價放租
以折上折價錢 購買
請問要補 多少錢?
謝謝

FUNG你好!

藍田興田村 公屋 大約500呎估價要等候回覆!

而補地價約在49-51%!

你好,本人 想用綠表買居二樓,但唔清楚轉售折扣率計算方法
舉例: 原買家用100萬 買入 折扣率40% (原價:140萬) 補地價要40萬

而家綠表價放售: 180 萬, 佢賺左80萬
如果我用180 萬買入該單位, 將來我轉售是否用180X*40%折扣率=54萬來補地價?
我要承接原買家的折扣率折來補地價? 如果佢原來20%買入,我要補80%地價?

thank you

謝生您好:

本人已經申請居屋補地價,補地價的金額已經知到,如果不滿意結果認為補地價過高作出上訴.請問會不會上訴後的結果比未上訴前高或會調低呢?

好唔好上訴呢?

你好,PATRICK,我係KEVIN,首先多謝你既留言

其實你用綠表買居屋既話,你想睇下個單位既節扣率係幾多,你可以睇下個單位既''可供出售証明書'',內容就有提及第一手業主既購入價及市值價,就算個單位轉過幾多次手,又或者個價錢升左,個節扣率都唔會有變既,只係個市值會變,如果將來有需要補地價既話,就要由房署去評估單位市值,再計出你個單位應補既地價係幾多,如有任何問題,歡迎你再留言比我,或致電2468 3838,THX!!

區生你好!

以我們的經驗上訴補地價情況，是要視乎物業估價是否過高，再去評估是否進行上訴，通常用當時的成交價或銀行估價去評估情況，我們是曾經試過比之前估價為高的個案，但這些例子是極少出現，一般也是同樣不變或略為向下調查，至於是否進行上訴是要作一些市場評估而去做，你可以試下用當時成交價及銀行估算自己評估一下，才再作決定!

您好,我想問現在還在申請公屋,但以長者去申請長者住屋,試過問了房署職員都得出不同答案,其實主要目的是想用那間屋去申請準買証去買二手居屋,之後當然與那位長者同住。請問主持人若我用這個途徑申請是否可行?因為聽職員提過若申請人在住了那間公屋不久後太快申請準買証,會很難及之後會更難申請,不知是否真有其事?其實房署都知道長者沒有可能去買到,是我們去供的,這樣會否又變相更難申請?另外是否還有其他方法可以加快申請。因為那個長者住屋不是我們想的,想盡快可以申請到準買証才是最終目的。希望主持人能賜教,不勝感激。

您好,

本人太太的公公及婆婆兩人現居於將清拆的蘇屋村,現想以綠表申請下期居屋購買房署的回購單位,因公公婆婆年事已高,銀行按揭將由本人夫婦擔保及供款,現有問題如下:

1. 如欲購買的房署回購單位樓齡十年,銀行按揭年期最長是否只可做到15年(25-10)?

2. 業權將由公公婆婆以長命契型式持有,如兩人立下平安紙居屋由我太太承繼,當他們百年歸老後,到時是否需補地價後才可將業權轉至我太太?

3. 如不需補地價便可承繼業權,因我和太太現也是未補地價居屋業主,可以一人擁有兩未補地價居屋業權嗎?

4. 送契型式接收業權人的身份有沒有什麼限制?是否必須為直系親屬?如上述情況向房署申請以送契型式將業權轉到我太太,可以嗎?

5. 如承繼/送契接收業權時銀行按揭未還清,到時需要重新再做按揭嗎?還是原本的按揭繼續供款至完結便可以?(因原本按揭擔保及供款人也是本人及太太)

6. 如承繼/送契接收業權後需賣樓,是否只可在向房署補地價後於自由市場放售?

謝謝.

LEO:你好,我是michelle,用長者申請公屋正常是快d上樓,你想申請準買証去買二手居屋是可以,但有聽講有d租約條件是住夠二年,先可申請準買証,睇下你本身申請性質,最好途徑是先申請公屋,選樓後,就申請綠表資格証明書,2至3個月,就可申請購買証,約1個月,就可買二手居屋,查詢24560008,謝謝

你好,WALLACE,我係KEVIN,首先多謝你既留言,等我解答下你既疑問啦

1.如果你係同房署購買居屋貨尾單位既話,按揭年期係可以做到25年既

2.如果以平安紙繼承物業既話,係無須要補地價既

3.如果另一個單位係以繼承人身份持有物業既話,你太太係可以擁有兩個未補地價既居屋業權既

4.送贈契閎對象並無限制,不過就一定要房署申請後,再經律師樓辦理轉名手續

5.無論係係以送贈形式或以承繼形式,都無須重新再做按揭既,只需要一直供款比銀行就無問題

6.如果你想係接收業權後想賣樓,兩者就有分別喇,如果係承繼既話就與一般買賣一樣,但如果係以送贈契形式就要留意喇,因為大部份銀行唔會為送契未夠5年既物業提供按揭,換言之買送契既單位隨時就要一筆過付款,因此就未必會有買家會考慮喇。另外送契及承繼,該物業仍然可以於居二市場及自由市場放售既

希望以上既資料幫到你,如再有任何問題,歡迎你再留言比我,或致電2468 3838搵我啦,THX!!

Michelle,

謝謝回覆，因為我看過幾個方法最快還是這個長者住屋，但找來找去也沒有列明要住多久才可以申請準買証，若果真係住兩年的話真係太耐了,不知能否寫信去告知我們的做法，因為最終都想同老人家買二手居屋同一齊住。申請公屋都有想過，只是時間仲耐。

Leo

你好LEO.我是良景分行亞敏,現回覆你的問題,要住夠二年先可以申請準買証.你是否以特快資格去申請長者屋.若一般申請的話只需要拿到公屋過了免租期就可以申請準買証了,希望能幫到你,再有其他需要可以查訊或來電良景分行.24562668

你好 ! 如果本人先生想將現有的居屋加按 (物業已供滿)，然後再將該筆款項作為部份首期購買另一新樓盤，請問是否必須先拿出金額補地價，之後才可得到借貸?? 還是可以無須以現金先繳補地價費用，到政府批核借貸，於可借貸的銀碼內扣減，因本人手頭上的現金有限，怕未必可以一次過拿出太多的金額.....

本人先生的物業為藍田康柏苑中層，可否查詢一下此屋苑現時大概的補地價金額呢 ? 謝謝 !!

亞敏:

謝謝回覆，長者屋其實係老人家申請左，因為咁多個方法都係佢較快。同埋我都問過職員，長者屋都係列為公屋，但係佢地都提到要住左一段時間先可申請準買証，所以問下仲有冇快D既方法去申請。最終都係想同老人家一齊住居屋。

Leo

LEO

我係亞敏.多謝你既留言,等我解答下你既疑問!你的孝心值得令人敬佩!如果想搵最快的方法.請在你分配長者屋租務處直接搵租住層樓的主任.或查詢房署居屋第二市場.明天我亦會再幫你查詢下房屋署然後再回覆你.

你好,apple,我係kevin,首先多謝你既留言

如果你要將居屋加按,就一定要補地價,不過可以跟你既借貸手續同期進行,一邊同房署申請補地價,一邊同銀行申請貸款,到銀行批到貸款後,就會扣除地價再比番餘數你既。

另外康柏苑既折扣率係29-34%左右,準確折扣率必須要參考你既單位第一位既樓契先睇到既,由於你未有提及你單位既詳細資料,所以比唔到一個參考既地價比你,你可以用你個單位市值再乘折扣率,你就可以得到大概既地價,如果要正式做申請,就要用$3,300同房署申請,房署就會委託測量師行幫你個單位估價,如有問題,歡迎你隨時再留言比我,thx

您好,

本人與母親以家有長者計劃及長命契形式共同擁有一居屋物業.

記得當初簽約時是容許可以有2名普通業主及1名長者合共3名聯名業主,

最近本人結了婚, 想將太太名字加入做業主.

想請問居屋長命契是否真的無法加名? 是否需要補地價重新立契後才可以?

有沒有其他方法加名? 另外, 加名會否對按揭有影響? 是否需要重新做按揭?

謝謝幫忙及指教.

HI TAT

你好!其實你可以向房委會申請加名，在房委會網頁有表格，再等待房委回覆是否同意加名再作決定，至於申請補地價是可以向銀行借款，如果真係補地價後是可以自由轉讓，只須上律師樓做一個買賣，如有不明白可電24560008

你們好!

有一事想請教，我是一名居屋準買家(如沒有問題的話，將會是第三手業主)，該單位首業主於出售時經已補了地價，以自由市場形式售予第二手買家(即現在我的賣家，他大概於一年半前購入此單位)。

而我則於10月中簽了買賣臨約，並於10月尾支付了大訂，當我的律師收到樓契的一刻，他發現該單位的補地價紙上的日子還比樓契上的日子遲了2天，故此違反了「先補地價後轉讓」的規定，並通知我此買賣有機會不能順利於成交日(1月中)進行成交，或有需要以踢契處理。請問你們有否亦曾遇上這個情況，而結果是怎樣的呢?

等待的人

你好,greenx,我係kevin,首先多謝你既留言

照你所講既情況,的確係犯左例架,在過程中,幫你買樓既代理亦都有責任,因為以上既情況,其實係簽臨約前,地產代理係會比一份該物業既田土廳查冊你既,內容一定可以睇到以上既情況,如果你及早知道以上既情況,你絕對可以先查詢律師意見先再決定是否購買該物業,而唔係上到律師樓先知道既,所以你可以認真考慮你律師既意見,用踢契去處理

如再有任何問題,歡迎你再留言比我,或致電2468 3838,thx!!

你好!

想問一下，我和家人今期以公屋換居屋買入油塘居屋，業住是本人與媽媽，但實質供款是我大哥，因早年入息超額而大哥已除名，想問將來可否加回大哥名及是否須要補地價?

Thx!

Wendy

HI WENDY

如果想加名，首先是要向房委會提出申請，講出理由，再等房委會回覆同意，就可到律師行辦理加名手續，無須補地價，但有可能會令業權因加名的轉變有送契可能性，會影響出售時下一手買家做按揭會較為複雜，不過亦有買賣例子買家是成功做到按揭的，我只不過將有關的風險都講比妳知，但如妳是自住的，加名起計超過5-10年大部份銀行幫買家可做按揭，希望可幫到妳!

Hi Sir/Madam,

I found diffricult in finding 居屋 in HK side (Shaukeiwan) even though I'm willing to pay for the 補地價. The agent doubts that why don't you choose private flat ?
Is it true that most of the sellers are only look for the 綠表 buyer ? Should I only choose the one which has already done the 補地價 ?

Thanks a lot!

你好,LC,我係KEVIN,首先多謝你既留言

如果你想要買已補地價居屋,其實手續上買家跟買私人樓一樣,只係業主去辦理補地價既手續,不過由於地價係可升可跌,於業主既立場就會驚地價會失預算,比預計既地價多,所以就令願搵綠表既買家。

而在地產代理立場,做居屋及私人樓都係一樣既,你可以搵多幾間地產代理查詢,又或者你話我知你想搵邊個屋苑,等我幫你搵下該屋苑資料,希望以上資料幫到你,如有任何查詢,歡迎你再留言或致電2468 3838搵我啦,THX!!

Thank you for reply KEVIN. At this moment, I'm mainly looking for 東盛苑 and 東熹苑 in HK Eastern distinct. As your advise, I'm going to different agents later. Beside, is it a case that the final transcation is turndowned because the seller can't affort the 補地價 ?

Thanks !!!

你好,LC,多謝你再次留言

其實補地價係業主既責任,而地價係可升可跌,如業主於自由市場放售,佢就要有心理準備,地價係可升可跌既,如果唔賣既話,業主就當悔約論,所以都唔會有太多你所講既情況出現。

如有需要,我可以幫你搵下東盛苑, 東熹苑既資料,比D價錢你參考,如有問題,你隨時再留言比我啦,THX!!

請問係自讓盤裏面若買賣家自行買賣樓宇, 但該單位未作補地價事宜, 若洽談ok, 賣家須自己辦理或可自行找律師辦理補地價呢?  另須同買家簽訂甚麼形式的合約呢(before 買賣合約前)? 因相方都只是口頭的賣買, 如何作出保証呢? thanks 

你好,guest,我係kevin,遲了覆你不好意思

如果你既單位未補地價,而又有一個準買家擬購入你既物業,補地價手續係要你去申請既,手續費$3300,房署會委託測量師行幫你個單位做估價報告,約1個月左右,就可以收到補地價通知書,當你收到補地價通知書,你就可以去補地價,不過房屋署條例你係要簽署合約日期計既28日內去補地價,所以你最好就準備筆錢先去補地價,而合約方面,你就要搵律師樓幫你訂立既,假如你自己可以繳付地價既話,同買家簽署臨時買賣合約就可以

如有不明白,歡迎你再留言或致電2468 3838搵我啦,thx!!

補地價是如何計算的呢? 番查房署09年補價折扣率普遍為39%

假設最初買入時價值$52,4100

途中有買家用綠表資格再買入$1,170,000

若要補地價, 折舊率是多少??現時市值如何計算..??

thanks

你好, 本人和未婚未打算在馬鞍山錦泰宛購買單位, 但在網上查看成交的價格都很低, 我們不知道是否所顯示的都是未補地價的價錢或是已補, 如何才可知道補了地價的價錢呢? 補地價的錢究竟是買家OR業主出的? 我們很疑惑, 因為我們只可以負擔150萬去買樓, 希望你可以幫到我啦.. 謝謝!!

你好,guest,我係kevin,首先多謝你既留言

其實補地價係每一個居屋屋苑都唔同,甚至唔同單位,折扣率都會有分別,如單位曾做二手買賣都唔會影響個地價既,最主要就要睇下該單位第一手既樓契就會清楚列明當時市值及當時購入價。

若要計算補地價,係唔會有折舊率既,地價計算方法係用現時市值再乘該單位折扣率,就會計算到地價大約係幾多,希望以上資料幫到你,如有任何問題歡迎你再留言或致電2468 3838搵我啦,thx!!

hi~

我以家睇左個居屋單位,不過未補地價的.

1. 甘我可以同佢簽臨時買賣合約嗎?


2. 業主想收左我錢先去補地價是否行得通?


3. 如果甘樣係咪會影響我既交收日呢,因為房署去估價要1個月+補地價28日+按揭&律師處理文件45日,是這樣的嗎? 可否同用時進行的?


4. 甘係咪向臨時買賣合約內寫明補地價由賣家負責就得傢喇?

thx

mrs.yu

你好GALAXY,我係KEVIN,遲左覆你不好意思

如果你要搵錦泰苑自由市場既單位,包地價最細既單位全部都要200萬以上,如果你預算係150萬左右,你可以留意下錦龍,錦英苑...等等,樓齡大概係17-20年左右,自由價150萬以下都可以搵到。

至於補地價方面,係由業主負責補地價,當然業主都會計算在樓價之內。希望以上資料幫到你,如有任何問題,歡迎你再留言或致電2468 3838搵我啦,THX!!

謝謝你,
咁想問下錦泰苑有無出租的單位?
租金大約多少?

你好,GALAXY,多謝你再次留言

錦泰苑暫時未有租盤,如果係兩房單位,之前既租金大概係6700-7000左右。

如有需要你可以留低聯絡你既方法,到有租盤既時候可以通知你,如有問題,歡迎你隨時搵我2468 3838,THX!!

你好,MRS YU,我係KEVIN,首先多謝你既留言,遲了覆你不好意思

宜家就等我解答你既問題啦

1.只要你同業主傾好價錢,就可以隨時簽署臨時買賣合約

2.如果係補地價買賣,我地都會建議所有既訂金交由賣方律師行保管,再由律師樓幫賣方補地價

3.你所講既買賣手續,其實全部都係同期進行既,並唔會影響到你既交吉日期既

4.無錯,係臨時買賣合約一定要註明係由賣方負責繳付補地價金

希望以上資料幫到你,如再有任何問題,歡迎你再留言或致電2468 3838搵我啦,THX!!

你好

我想問有無d慈雲山包130萬補地價既樓?

你好!何先生

對不起,本公司現時業務範圍只包括屯門、天水圍及元朗區,

如果你想查詢慈雲山區的資料,請留下聯絡方法及詳細資料,

我們會找該區經營得出色的聯盟行家回覆你,多謝你瀏覽本網站及查詢!

你好!

我剛於31/12 賣出唐明苑居屋, 6/1 已用郵寄申請估價及補地價事宜.

但問房屋署, 佢話2-4星期先會有人通知估價事宜, 而補地價通知書要一個月後先發出.

我的交吉日期為 10/3. 請問房署真係需要咁長時間做補地價的事宜嗎?一話事佢地特登講長d時間?

一般估價+補地價通知大約幾時可以知道?

因為我怕10/3 交唔到吉比新業主.

另外, 請問你有冇資料大約知道將軍澳唐明苑大約估價多少呢?

謝謝幫忙!!

你好,DADA,我係KEVIN,首先多謝你既留言

房署同你講既時間會係比較保守既,一般房署收到補地價申請後,兩星期左右就會委派測量師行到你既單位進行估價,再過多兩星期左右,房署就會發出補地價通知書,到你收到既時候就知道地價係幾多,可能因為有較多既公眾假期關係,所以房署話你知既時間需要耐D,不過你交吉日期係3月10日應該無乜問題,可以夠時間既

唐明苑既補地價折扣率大概係49-52%左右,如果睇到你當時購入價及時值價會計到準確數

如再有任何查詢,歡迎你隨時留言或致電2468 3838搵我啦,THX!!

剛剛問過房屋署, 佢地話仲未收到我份FORM, 唯有聽日親自攞過去. > <

咁 10/MAR 交吉仲趕唔趕得切呢? 如果我比埋臨約佢地睇, 會唔會做得快D?

另外, 我買左層樓, 做按揭的, 9/MAR 收樓.

但我層舊樓都係做按揭, 但10/MAR 先交吉, 咁樣銀行會唔會批唔到呢?

謝謝回覆!

你好,DADA,多謝你再次留言

如果你係聽日親身交過去既話,3月10日應該都夠時間既,不過就會較趕,但係合約應會有條文可以保障你既,你可以睇睇臨時買賣合約有無一條絛文係講''如果補地價通知書遲出的話,交吉交易日期可以順延至交到為止..."如果有就無須擔心喇

另外,你買樓做按揭方面,只要你出示到你賣出既單位的臨時合約,銀行就可以照樣批按揭比你既

希望以上資料幫到你,如有任何問題,歡迎你再留言或致電2468 3838搵我啦,THX!!

你好，我想請問，如果公屋只有父母的名字，現想以綠表購買居屋，然後跟父母同住，請問是否行？

而父母已退休，銀行的按揭想由我去申請，當中是否有問題？

而因為父母年時已高，將來有關居屋的文件是否可以由我代為簽署？

你好.GUEST

多謝你的提問,現由我良景分行亞敏來回應你所問的問題.公屋只有父母的名,申請左綠表購買居屋,業主名只可以用你父母的名,當然你同父母同住的話,一定沒有問題,另父母退休由你提供入息去按揭,亦都冇問題,再者,有關將來文件,你指現在父母購入時的文件?還是第日再轉讓的文件.前者可以去律師樓做一份授權書(父母在生時用),由你去簽署,後者.可以叫你父母去律師行做一份[平安紙]代表簽署.

你好!請問現時黃竹坑雅濤閣補地價的折扣率是多少?如果沒有補地價係未

只可以售買給綠表買家?

請問本人現住的居屋裝潢比較高級, 補地價金額結果比一般高, 上訴能否得回市值的補地價金額？

你好,JEFF,我你KEVIN,首先多謝你既留言

其實房署估價,單位裝修只係其中一個因素,估價行仲會參考市場成交價,單位層數及方向,如果你覺得估價唔合理,而又有足夠理據的話,你就可以提出上訴,不過你要留意就係現時既樓價比早前為高,所以估價行亦有權調高估價,而房署就會以較高者為準,所以你要考慮清楚

如有任何問題,歡迎你再留言或致電2468 3838搵我啦,THX!!

Simon你好!

黃竹坑雅濤閣補地價的折扣率大約在26-38%之間，而未補地價的居屋是可以買給綠表買家或自由市場買家也可，你可以同時進行放盤，兩個市場的客人也可，要留意的是合約條款是有所差別的。

如有任何問題,歡迎你再留言或電21912233

你好! 房署已經上門估價, 佢地話大約2星期會收到估價通知.

而家最擔心的問題係, 唔知佢估幾多價.... 你地有冇大約的數據?

P.S. 將軍澳唐明苑

你好,DADA,遲了覆你不好意思

上次提及唐明苑既補地價折扣率大概係49-52%左右,唐明苑成交既自由市場呎價比較參差,由$2500-$3000/呎都有成交,未知你確實既單位,所以比唔到個價錢你參考。不過你可以直接用你既成交價計算會最接近房署既估價既,唔駛太過擔心呀

如果出到黎個結果你覺得唔合理既話,房署都有上訴機制,只要你有足夠既數據,係補地價通知書發出既28日內提出上訴,但係亦要留意因為近來各區樓市暢旺,成交價亦應比之前價錢高,所以房署亦有機會調高估價,到時房署就會以較高者為準

不過,既然你已經換到樓,相信係既新居,現時既價錢都會比你購入時為高,你咪當平買平賣囉,不用太擔心,如再有任何疑問,歡迎你再留言或致電24683838搵我啦,THX!!

你好!

我對這市場不太熟悉,但我有一朋友一家出了美國,現在在將軍澳有一間居屋,在將軍澳吉之島附近,他買的時候是未補地價的,以110萬買入,現在,他想以110萬出給我,可以的嗎?

而我,要不要補回地價??如果不補地價我以後要賣是不是更麻煩??我大概要補多少錢地價呢??

你好,LC,我係KEVIN,首先多謝你既留言

首先,如果你本人並唔係公屋住戶或綠表資格既人仕,你就一定要用補地價價錢去購買你朋友既單位,而地價就係業主去補既,到你收樓後,呢個單位就可以隨時租賣都可以喇

至於地價係幾多,就答唔到你喇,因為每個屋苑既補地價折扣率,而你既留言就無提及到,如果你想知既話就可以再留言比我,或直接打比我啦,24683838,thx!!

Kevin你好

我都係非公屋住戶或綠表資格既人仕，都係想買居屋，我想問可唔可以由買家去補地價呢？Timing同法例上容許嗎？我見依家好少已補地價嘅居屋在售賣咁. >_<...可能大部分都未補...

謝謝
Li San

p.s.我有興趣嘅都係筲箕灣嘅東盛苑同東熹苑....或是其他東區不太舊嘅樓

你好,Li san,我係kevin,首先多謝你既留言

如果你想買居屋,由於你唔係公屋住戶,所以你就一定係以自由市場既價錢購買,而樓價當中就已經包括地價在內,名義上係業主去補地價,實際上只係將地價轉嫁到買家身上,至於補地價手續一般都係由律師樓代為處理既,所以絕少會犯錯既

至於點解好少已補地價既居屋,係因為樓齡較新既屋苑,一般補地價既折扣率都較高,好少業主會自己去補地價先,再加上補左地價既話就唔可以轉讓比居二市場既買家,所以唔會有好多已補地價既單位

不好意思呀,我地公司係香港區暫時未有分行,所以未能提供你目標屋苑既價錢比你參考,明天我嘗試搵下d成交價錢比你參考下,敬請見諒,如再有任何問題,歡迎你再留言,或直接打24683838搵我啦,thx!!

居屋業主要求 :  買賣協議訂明，房屋署所評定的補價，要在完成該單位轉讓契據的簽訂手續前及在該協議的日期起計28天(或房屋署指定的期限)內繳付補價及 28日內買家安排資金給業主補地價。　業主以完成估價 ， 這情況如我和業主簽訂臨時買賣合約後，我是否要在28天內繳付補地。　　　　　　　謝謝　　

你好,TIN,我係KEVIN,首先多謝你既留言

你是否需要於28日內繳付補地價,最緊要視乎你既臨時合約內既條款而定,但一般居屋補地價既手續係可以交由律師樓去辦理,而房署亦會有個指定既期限規限業主最遲補地價既,如果你有唔明白既地方你可以直接向你代表律師查詢,當然亦歡迎你再留言比我或致電24683838搵我啦,THX!!

Hello Kevin,

請問如果我的丁屋要補HK$316萬地價, 那我幢是值幾多錢.

這是地政處要求補的數目.

thanks,

Simon li

測量師已於20/1 上門估價, 到而家仲未收到補地價通知.

請問我應該大約幾時收到呢?

Simon li你好!因kevin放了假，我希望可以幫你了解一下!

因丁屋補地價計算是與居屋不同，要有更多資料才可以大約去評估，如有須要可留下電話或e-mail給我們!

DADA你好!

一般情況大約10天後會收到補地價通知書，以掛號形式寄出,如有問題歡迎請致電21912233

Kevin你好，

多謝你嘅回覆 :) 希望你公司業務蒸蒸日上，快些申延到港島區來！
再多一條問題就是: 如果我想Check這兩個屋宛有多少個單位係已補地價去作參考，我可以怎樣才有呢？找你可以嗎？

Cheers,

Li San

你好,Li San,多謝你再次留言,更加多謝你對我地公司既支持

明天等我再幫你搵下兩個屋苑既補地價資料,稍後我再比d資料你啦,如有需要,你可以直接與我聯絡,tel:2468 3838,thx!!

請問近期愉翠苑低座(二房一套房), 補幾多地價? 謝

你好,ELAINE WU,我係KEVIN,首先多謝你既留言

由於地價金額係需要房署評估既,而愉翠苑亦分開兩期,亦有唔同既折扣率,1期39-40%,2期26%,你可以查証自己既單位係屬於邊一期,再參考番近期既自由市場成交既價錢去計算大約既地價金額以作參考

如有任何問題,歡迎你再留言或致電24683838搵我啦,THX!!

你好，本人二十年前和哥哥用白表購買了一居居，銀行按揭已還完，我現在想買回哥哥那一半份，那我需要補地價給政府嗎？多謝指教

你好,LAM,我係KEVIN,首先多謝你既留言

如果你居屋轉名可以同房委會申請,跟住再搵律師行幫你攪轉名,不過咁樣既做法係送贈契形式,由於部份銀行係唔會為送契既物業做按揭,所以有機會影響到你將來做買賣既。另一方法就係你既方法,同房署補地價後買埋另一半業權,如有問題,歡迎你再留言或致電24683838搵我啦,THX!!

請問如用公務員綠表買二手居屋, 可否做到25 年9 成按的? 還是要25 年 - 樓age? (target flat: 黃竹坑雅濤閣)

你好,小夢,我係KEVIN,首先多謝你既留言

如果你係用綠表買居屋,而按揭係7成以上既話就只可以做到25年-樓齡既年期。

不過宜家恒生銀行有個新按揭計劃,如果做7成按揭既話就可以最長供20年

如再有任何問題,歡迎你再留言或致電24683838搵我啦!!THX!

各位專家，你們好：

本人有以下的問題煩擾著我，希望能幫我解答：

1) 我的居屋已供滿，未補地價，現契在我手，但業權是我跟我前妻聯名(我們已離婚)，現時我想將業權轉去我剛滿18歲的兒子，是否可行？

2) 以前供樓費用全部由我負責，但我前妻說如要賣樓，因業權有她的名字，她要把賣得的錢佔一半，我可否拒絕呢？

你好,煩惱人,我係KEVIN,首先多謝你既留言

1)如果你想將業權轉為你兒子既名,由於你既物業係與你既前妻聯權擁有,所以都要得佢既同意你先可以咁做既

2)由於你前妻係其中1位業主,佢係有權決定賣與唔賣,佢亦可以要求律師行將樓價既支票分為兩張,如果你真係唔想比一半錢佢既話,你只可以嘗試搵律師再經由法庭裁決

希望以上資料幫到你,如有任何問題,歡迎你再留言或致致電24683838搵我啦,THX!

我在本年一月底透過地產代理購買一個居屋自由市場單位, 並已透過律師行簽訂買賣合約, 現向銀行申請按揭. 剛收到其中一間銀行回覆, 因該物業曾轉名, 所以拒絕提供按揭. 之後我再致電查詢不同銀行, 得到的回覆都是一樣, 不會為"送契樓"做按揭.

在這件事之前, 我對"送契樓"的問題毫無認識, 而在我決定購買時, 地產代理並無解釋轉名物業會有做按揭的困難, 或者舊業主破產可能引起債權人追回物業的問題. 我亦不明白為何替我進行交易的律師在辦理買賣合約時沒有發現這個問題.

我想知道我是否可以取消這項交易? 地產代理或律師行又有沒有失職之嫌?

您好: 請問大埔富亨邨亨榮樓589呎公屋單位現左綠表市場估價多少錢?謝謝

你好,Tamme,我係Kevin,首先多謝你既留言,祝你新年快樂,身體健康,心想事成

不好意思,如果要做綠表市場既估價,需要你提供埋單位既折扣率,及確實既單位,可以既話你send e-mail:kevinwong@manyw.com比我等我幫你向銀行查詢或致電2468 3838搵我啦,THX!!

我想問若用綠表買二手居屋，宜家銀行一般係唔係做到9成半按揭或是否要提交任何入息証明先得？

LEO:你好,我是良景分行AMYCHAN,如果你用綠表買居屋,可以做到9成半按揭,而且銀行唔要要

給按揭保險費,只要你提供到基本入息,則基本糧單就可以做到,如果你想知更多資料可以打給我良景分行電話:24562668

本人與母是居屋聯名業主，本人將自已一半以送契形式送給姊姊。請問姊姊及母日後出售有沒有禁售期及下首業主可不可以按揭？

本人是夾屋既業主, 夾屋已經供完, 並贖回了樓契, 銀行說可以借錢保地價. 那是合法的嗎?

CHERRY:你好,我是良景分行AMYCHAN,你同媽媽是聯名業主,,則是長命契,但本人又唔知你個單位補左地價沒,如果沒補地價又是長命契,你唔可以送契珍式給姊姊,如果你想知更多資料可以打給我們

良景分行:24562668

思妳好

其實銀行是須要妳先申請補地價，再得到補地價通知書後，和妳做按揭，而批出貸款給妳前銀行會委託律師行辦理手續，將部份貸款幫妳補地價，當補了地價後就會解除了房協限制，餘額就會發放給妳，希望可幫到妳，有問題可電24404886

因我的弟弟和父母住香港柴灣樂軒台所以希望搬到同一屋苑居住,最近睇啱一個單位在樂軒台4座2X樓H, 692 呎, 賣家現開價175萬, 請問以你哋的經驗估計補地價多少, 同埋可否介紹銀行做樓按可以取得較好的條款. 可覆 hxxxxxxxy@yahoo.com.hk 

你好,黃生,我係Kevin,首先多謝你既留言

有關補地價既手續,全部係跟據香港法例第283章「房屋條例」的附表及第27A條的規定來進行

一,補地價既付款日期係合約日期起計28天內,或房屋署長另行指定的期限內,但無論如何一定要係成交前付款

二,申請補地價既時間,大概1個月左右可以出到補地價通知書,所以你既交易日期就唔可以定得太早交易

三.同上房,房屋署大概1個月時間左右會出到補地價通知書

四.正式合約跟一般物業交易一樣需要14天內簽署正式合約

五.如果要用買家既尾數補地價,一定要銀行及律師行許可先可以用尾數去補地價,亦要符合第283章「房屋條例」的附表及第27A條的規定,全個交易過程買家亦係如一般買賣一樣比3次錢1.臨時訂2,大訂3.尾數

希望以上資料幫到你,如有問題歡迎你再留言或致電2468 3838搵我啦,THX

想問下如果想買居屋(自由市場),在睇樓時是否可要求業主出示屋契同已補地價的信?

PISCES:你好,我是良景分行AMYCHAN ,補地價筆錢,暫時唔可以分期付款,現在政府總商討中

不過,你可以交吉交易補地價.(一定要房署出左補地價信)先得.關於補地價祥細情況,你可以打給祥益地產居二分行,良景:24562668,龍門居分行:24683838,天盛分行:24583838

你好，有幾條關於自由帝場居屋買賣問題， 希望祥益能解答。

一、簽左臨時買賣合約後先申請補地價，係唔係一定要o係簽約28日內收到房屋署的補地價通知書先至可以合法簽轉名契？

二、承上，如果一定要，咁簽左臨時買賣合約後先申請補地價o係唔係有風險，因為房屋署唔一定會28日內收到房屋署的補價通知書？

三。係唔係通常簽完約即時向房屋署申請都會o係28日內收到補價通知書？

四。簽左臨時合約後先申請補地價，通常幾時簽正式買賣合約？

五。用買家錢去交補地價費用，系唔系通常用買家尾數來交？成個交易過程，買家會分幾次比錢？

麻煩哂!

請問補地價是否要整筆錢補的，還是可以每個月分期付款的？

你好,黃朝湘,首先多謝你留言,我係KEVIN

如果你想要出租自置公屋,你可以向房委會申請補地價手續,當你補地價後就可以將你既單位出租喇,如有任何問題,歡迎你再留言或致電24683838搵我啦,THX!!

你好,GUEST,我係KEVIN,首先多謝你既留言

樂軒台既折扣率係48-50%,你所講既價錢應該係未補地價既,如果以網上估價作參考,你所講既單位估值係277萬,如果係以自由市場購買居屋既話,補地價既責任就會係由業主負責,另外稍後時間我會再E-MAIL銀行資料比你,如有問題,你可以直接打24683838搵我啦,THX!!

請問自置公屋，想出租，有什麼手續？

你好David:

多謝你的留言,首先係要睇你想同業主羅樓契同地價信係咩原因,1,如想樓契係想知道對方係米業主的話,如成交左律師樓係會對的.2.如想羅單位折扣率的話還是可以睇到的.3.羅己補地價信.係想知該單位補左地價未的話,如業主方便還是可以提供的.如有問題歡迎你再留言或致電2468 3838搵我啦,THX

你好!  我的居屋是我跟爸爸十年前以聨名買下的, 我現在想自己買新物業但又怕未能上會, 請問可否送契給爸爸, 而又不需要補地價?

我和丈夫及老爺奶奶而家住緊公屋，但公屋並沒有加上我的戶籍，因為怕需要加雙倍租金及本人結婚前和母親早已在多年前購買了一個租置公屋單位。問題是丈夫打算以綠表買一間較大的居屋，請問在申請「準買證」時，申請表格是否可不加入我的名字?因我在表格上看到了申請人及家庭成員及及其配偶不可以獲政府其他資助，包括「租署公屋計劃」。我地準備物識居屋單位，但又怕申請唔到「準買證」！

心急人上

我想問, 我現時已購入的公屋, 可否出讓予居屋綠表資格申請者?

你好,Maverick,我係KEVIN,首先多謝你既留言

如果你要做送契手續可以先同房署申請,然後再搵律師樓幫你做手續,做送契係無需要補地價既,

不過部份銀行不會為送契樓做按揭,所以有機會會影響到你賣出既機會,如果你係擔心再買樓新做按揭既話,你不妨先向銀行查詢,然後再下決定,如再有任何問題,歡迎你再留言或致電24683838搵我啦.THX!!

李生:你好,我是良景分行amychan,你己購入公屋,想問你是否同房署買,如果房署買要住2年先

可以放,如果同公屋二手業主買,買入之後可以放,所以話你是可以賣給居屋綠表人士

譚太/心急人:你好,我是良景分行amychan,我想問下間公屋邊些人有名,則登記戶籍人士要在表格上簽名

先可以申請購買証,如果你冇戶籍的話,唔耍要在申請表上簽名,只要你交間公屋給房署,房署會批張証給你,到時你買機大都得了,祝你成功搵到心水單位.

AMY,

多謝你o既解答！我而家住緊的公屋係奶奶做戶主，另有 老爺、祖母及我丈夫都有戶籍，買居屋後將由我丈夫做業主。想問下因祖母長期在內地，是否一定要在表格上簽名呢?

amy, thank you very much!

心急人,你好,又我amychan,多謝你再上來搵我.如果間公屋你先生有戶籍的話,你申請購買証時,你可要求你奶奶則戶主授權你先生做申請人,到時張証出左之後,可以用你先生個名買樓.你祖母一定要簽名先得,因佢有戶籍.

你好! 我有個單位想補地價，想知大妁要補幾多錢?

鴨脷洲利東材兩房單位

謝謝

你好,SUM,我係KEVIN,首先多謝你既留言

利東村既折扣率係60-64%,你可以參考近期成交價再計番個大約地價出黎,如果要準確數字你就可以同房署申請補地價.大概1個月左右就可以出到補地價通知書比你,到時就可以知道真正地價係幾多,如有問題歡迎你再留言,或致電24683838搵我,THX!

你好, 我係留意緊居屋單位, 想上車的

好多時我見到的都係未補地價的居屋, 如果係咁的話業主補地價的開支會轉嫁係我身上, 聽講仲可能先用埋我筆尾數黎補價...如果係咁樣樣個買賣手續會唔會好麻煩??

我係咪要同銀行deal點樣比佢用筆錢/ 尾數? 如果係咁需時耐唔耐? 會唔會趕唔切係佢個補價有效期??

同埋, 想問問, 如果補價金額比預料之外貴, 多左出來我筆會唔會需要我 買家 呢邊頂??

謝謝

你好, 我係留意緊買二手居屋上車, 但冇綠表資格的
感謝代理們上面詳盡的資料, 好有用, 但有點細節仲有點擔心, 想問問

1.業主簽左臨約後去申請補價, 如果補價比預料之外高, 高左出來果截會唔會轉嫁到我身上? 佢又會唔會/可唔可以反口?

2.似乎簽臨時買賣合約後得28日補地價, 怕唔怕做唔切? 我又有d乜野要同銀行安排?

3. 同埋, 如果真係要同銀行或者律師deal, 要比業主係成交前用我筆尾數去補地價(呢個係好普遍的做法?), 有乜野要注意, 會唔會好高風險?? 同時間安排上難唔難??

個補地價點都有幾十萬蚊...我始終都有d擔心...

謝謝

HI ALEX

你所提問的問題如果你買補地價居屋，你無須太擔心，因房委會已有條例限制點去補地價，而地產代理亦會跟隨房委條例去做買賣，而你買補地價居屋就算成交價都會抵買過私人樓，至於銀行方面你只須向銀行提供買賣合約銀行就會跟買賣合約內容再與你的律師夾住安排點交尾數，至於提供入息証明和私人樓冇分別與居屋無關，歡迎再查詢24046699

你好,有一間已滿十年送契的居屋可不可以做按揭?