星期一檔案 星期一檔案 (22.04.19) 黃慶德 祥益地產區域董事 2019 年 4 月 22 日

剛過去的復活節假期，二手成交稍為減慢，報章報導全港十大屋苑成交回落至個位宗數。雖然成交減少，但依然有不少破頂成交，當中荃灣萬景峰，更於三日內錄得兩次破頂成交，實用呎價突破兩萬元，兩房單位成交價超過一千萬。相比之下屯門及天水圍依然低水，現時仍然可以搵到600萬以下三房私人屋苑單位，絕對是非常超值。 居屋方面，兆麟苑剛剛錄得一宗居二價超過500萬成交，由於居屋放盤量減少，而市場仍然有不少白居二的準買家，所以相信破頂新聞陸續有來，各位正在睇樓的準買家，當遇到心水單位的時候，就不要錯過上車的機會。 近日由於市場成交加快，市場都出現不少反價成交，等我提供一些入市貼士給大家參考，希望幫到各位。首先大家在睇樓前應向銀行查詢有關按揭問題，看看自己可以批到多少按揭。在睇樓時，如果真的遇到心儀單位，就可以即時與業主議價，傾到心水價就應即時下決定， 否則業主有機會變卦之餘，亦可能會比其他買家捷足先登，如果大家在置業上有任何疑問，都可以上我們公司總論壇留言， 讓我們可以解答你們的疑難。