星期一檔案
星期一檔案 (25.03.19)

黃慶德
祥益地產區域董事

2019 年 3 月 25 日

 


上星期美國宣佈暫停加息,即時增加買家入市信心。過去星期六日睇樓量均有明顯上升,報章報導過去星期六日,全港新盤成交超過700宗,當中九龍一個新盤項目更是首日全盤沽清。而上星期本公司樓市呎價領先指數已連升四期,再創去年11月谷底後新高。各位正在睇樓的準買家,如果遇到心儀單位,而價錢自己真的負擔到的話就應該下定決心入市。其實只要大家是買入自用的話,就不用擔心,因為供樓都是一直幫自己儲錢,利息支出遠遠不及租金昂貴,大家要好好把握機會入市。

居屋方面,富健花園剛剛創出屯門區居二呎價新高,實用呎價超過$9000,實用431呎,居二價成交390萬,買家為白居二中籤者,居二市場放盤量減少,屯門區未補地價400萬以下公屋及居屋只餘不足一百個放盤,當中更只得大約20個鎖匙單位,盤源緊張下相信選擇只會越來越少,各位居二買家想有足夠比較可能就要看多幾個不同屋苑的單位了。