本是同根生相煎何太急!

財經演員

2012-04-10

世上最貴既咖啡究竟要幾錢一杯?答案係381億，由老廉精心炮製。新鴻基地產(0016)發生玄武門之變，股價上星期五單日暴瀉14.6大元，市值一日之間唔見３８１億，29隻相關牛証即日打靶。大部分香港、中國及亞洲股票基金都持有被喻為亞洲最佳地產公司新鴻基地產(0016)，估計上星期五新地(0016)大部分沽盤都是來自相關基金及蕃鬼佬集團，係九十幾蚊掟得咁急咁狠，預期股價未見六七十蚊都好難翻兜。香港人對股票一向有情有義，除了血肉長城義無反顧去買獅子銀行(0005)，今日同樣刻不容緩地係金魚缸支持「以心建家」的新地(0016)。不知新界西的居民及樓市炒家會否不問價錢買入屯門西鐵站上蓋項目瓏門，以示對新地的支持？

磚頭未必人人買得起，不過iphone, iPad,Samsung Galaxy就無處不在，iphone,iPad 年年出新款，炒家用家幾日唔瞓深宵排隊搶買，連相關既塑膠手機套都要賣成一千幾百。適逢清明時節，筆者建議買幾手美股APPLE (AAPL:NASDAQ)，以祭APPLE創辦人Steve Job的亡靈。再入埋韓股Samsung三星集團，三年翻一翻理應無難度。環球股市第一季平均升幅都超過一成，港股受製於A股弱勢及企業醜聞，短線難有起色，第二季可能係2012年黃金撈底時機，伺機買入工商銀行(1398)、新鴻基地產(0016)、中海油(883) 及中國建材(3323)。

您可能感興趣的放盤