女人金

財經演員

2011-05-18

牛熊激戰，巨熊借勢掟肥牛落23,000點留下，A股潛水、美股回吐，肥牛暫時無力反擊。新股上不停，港交所(388)股價依然發呆跌至170蚊邊緣。除左人體按摩、掘地洞及種生機以外賺女人錢都係發達既必勝方程式。米蘭站IPO超額認購2200倍，風頭仲勁過全球最大商品交易所佳能可(805)，可能手袋黨要用米蘭站既股票去賺手袋錢。君子報仇十年未晚，Prada下個月都『黎』香港吸水，連法國錢莊BNP都話係香港第二上市，個個生意佬都想抽乾自由行個荷包。唔知幾時有連所式夜總會上市，男士們便有機盡展所長 - 寓投資於娛樂。

美高梅下週招股，環球金魚缸又在調整中，可伺機短炒花旗國上市的MGM。2011年差唔多行左一半，大部分股票仍然原地踏步，甚至潛水。大笨象(0005)、中移動(941)、中人壽(2628)表現滿目瘡痍，傷透萬千投資者個心。2011年繼續炒股唔炒市，芬佬將焦點放眼下半年，全城最出名既芬佬陸冬、謝青海同樣睇恆指28,000點，簡單D買隻盈富基金都有5,000點回報。筆者比較喜歡中海油(883)、招股中的佳能可(805)及恆大地產(3333)。

您可能感興趣的放盤