電話號碼
密碼

市民樓市心聲

華麗車場

磚頭居士

2009-11-10


十月份金魚缸係兩萬至兩萬二千五百點橫行,香港屋仔市場係今年高位初遇冷風,施政報告發表後房屋問題引起激烈回響,十月份豪宅成交開始放緩、中小型住宅成交量較九月份下跌約兩成。六成按揭對豪宅買家影響有限,買得二千萬以上物業的人士,唔係做生意就係企業掌舵人。九龍站買個車位都要過百萬,不過九龍站商場圓方泊車相信係全港最平,每小時分八元正,消費180元免6個鐘、泊足一日都係192元、一個月約6000元。比鄰海運大廈停車場坐擁全港最靚維港景,望山頂、望國金、望會展,每小時20元正,臨近聖誕係海運停車場影相、睇燈飾係筆者首選位置。假如九龍倉能將海運停車又改建成摩天豪宅,呎價定必超越名鑄、追近天匯…

海運停車場月租4000元左右,買架日產霸王七人車五十萬有找,住係又尖沙咀九又有維港景,吃喝玩樂應有盡有,假如有人應及享受這種生活方式,車位都可以創出天價。

九七前香港人炒樓歡喜若狂,沙士期間避之則吉,金融海嘯後再次戀上磚頭。由古至今大地主都控制經濟命脈,銀行甘多錢無鋪都做唔到生意,都係要買鋪、租鋪,酒樓餐廳生意好到排幾條街都無用,業主加租叫d同事每日跑多一二百籠蝦餃、燒賣都唔掂!下世投胎記住搵姓郭,香港 Number One 地主佬,係上海就搵姓許,世茂房地產 (813) 係上海灘地產一哥。


您可能感興趣的放盤
按這裡可以加到「我的收藏」
按這裡從「我的收藏」中移除